Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 8

Kasano ti Panagkawkawesmi No Makigimongkami?

Kasano ti Panagkawkawesmi No Makigimongkami?

Iceland

Mexico

Guinea-Bissau

Pilipinas

Napaliiwmo kadi kadagiti ladawan iti daytoy a broshur a disente ti panagkawkawes dagiti Saksi ni Jehova no mapanda makigimong? Apay a kasta ti panagkawkawes ken panaglanglangami?

Kas panangipakita iti panagraem iti Diosmi. Pudno a saan la a ti makinruar a langa ti kitkitaen ti Dios. (1 Samuel 16:7) Ngem no aggigimongkami tapno agdaydayaw, naimpusuan a tarigagayanmi nga ipakita ti panagraem iti Dios ken kadagiti kapammatianmi. No maawistayo iti balay ti maysa nga ari wenno presidente, sigurado nga agkawestayo iti disente kas panangipakita iti panagraem iti nangato a saadna. Kasta met, ni Jehova ti “Ari ti nasnasion,” isu a rumbeng laeng a disente ti kawesmi kas panagraem kenkuana ken iti lugar a pagdaydayawanmi.—Jeremias 10:7.

Adda sursurotenmi a nangato a pagalagadan. Iparparegta ti Biblia kadagiti Kristiano nga agkawesda “buyogen ti kinaemma ken kinasimbeng ti panunot.” (1 Timoteo 2:9, 10) Ti panagkawes “buyogen ti kinaemma” kaipapananna ti saan a panagkawes kadagiti nakipet, nakiting, wenno makagargari. No addaantayo met iti ‘nasimbeng a panunot,’ saantayo nga agkawes iti naalas wenno mangawis iti atension. Adu pay met ti estilo ti kawes a mabalin a pagpilian. Ti disente ken natakneng a panagkawkawesmi ‘arkosanna ti sursuro ti Manangisalakantayo’ ken ‘idaydayawna ti Dios.’ (Tito 2:10; 1 Pedro 2:12) No nasayaat ti panagkawkawesmi kadagiti gimongmi, maipakitami kadagiti sabsabali no ania ti rumbeng a panangmatmatda iti panagdaydayaw ken Jehova.

Saanka nga agbain a mapan makigimong uray no awan ti pormal a kawesmo. Saan a masapul a nangina ti badom. Ti napateg ket nadalus ken presentable.

  • Kasano kapateg ti panagkawkawesmi no agdaydayawkami iti Dios?

  • Ania dagiti prinsipio a sursurotenmi no maipapan iti panagkawkawes ken panaglanglangami?