Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 19

Siasino ti Matalek ken Masirib nga Adipen?

Siasino ti Matalek ken Masirib nga Adipen?

Magunggonaankami amin iti naespirituan a taraonmi

Sakbay ti ipapatay ni Jesus, kinasaritana ti uppat kadagiti adalanna—da Pedro, Santiago, Juan, ken Andres. Idi impakaammo ni Jesus ti pagilasinan ti kaaddana iti maudi nga al-aldaw, inyimtuodna daytoy a napateg a saludsod: “Siasino a pudpudno ti matalek ken masirib nga adipen a dinutokan ni apona a mangaywan kadagiti katulongna, tapno ipaayna kadakuada ti taraonda iti umiso a tiempo?” (Mateo 24:3, 45; Marcos 13:3, 4) Ipampanamnama ni Jesus kadagiti adalanna a kas ‘apoda,’ adda dutokanna nga agtultuloy a mangipaay iti naespirituan a taraon kadagiti pasurotna kabayatan ti tiempo ti panungpalan. Siasino ti mangbukel iti daytoy nga adipen?

Isu ti bassit a grupo dagiti napulotan iti espiritu a pasurot ni Jesus. Ti “adipen” ket isu ti Bagi a Manarawidwid dagiti Saksi ni Jehova. Daytoy ti mangipapaay iti naintiempuan a naespirituan a taraon kadagiti padada nga agdaydayaw ken Jehova. Agtalekkami nga agtultuloy nga ipaay daytoy a matalek nga adipen ti ‘bingaymi nga abasto a taraon iti umiso a tiempo.’—Lucas 12:42.

Isu ti mangiwanwanwan iti sangakabbalayan ti Dios. (1 Timoteo 3:15) Inikkan ni Jesus ti adipen iti nadagsen a responsabilidad a mangiwanwan iti trabaho ti naindagaan a paset ti organisasion ni Jehova—mangasikaso kadagiti material a sanikua ti organisasion, mangiwanwan iti trabaho a panangasaba, ken mangisuro kadakami babaen kadagiti kongregasionmi. Gapuna, tapno maitedda dagiti kasapulanmi iti umiso a tiempo, “ti matalek ken masirib nga adipen” ket mangipapaay iti naespirituan a taraon babaen kadagiti publikasion nga us-usarenmi iti ministeriomi, kasta met kadagiti programa a maiparang kadagiti gimong ken asambleami.

Ti adipen ket matalek kadagiti kinapudno a linaon ti Biblia ken iti annongenna a mangikasaba iti naimbag a damag. Masirib met no iti panangaywanna kadagiti sanikua ni Kristo ditoy daga. (Aramid 10:42) Gapuna, bembendisionan ni Jehova daytoy nga adipen. Umad-adu dagiti umaw-awat iti kinapudno ken makaipapaay daytoy iti nawadwad a naespirituan a taraon.—Isaias 60:22; 65:13.

  • Siasino ti dinutokan ni Jesus a mangipaay iti naespirituan a taraon kadagiti adalanna?

  • Iti ania a pamay-an a matalek ken masirib ti adipen?

Ammuem ti Ad-adu Pay

“Siasino a Pudpudno ti Matalek ken Masirib nga Adipen?”

Lawlawagan daytoy nga artikulo ti pannakaawattayo maipapan iti matalek ken masirib nga adipen. Usigenyo no kasano a ti naespirituan a salun-attayo ket agpannuray iti dayta nga adipen.