Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 3

Kasano a Limmawag Manen ti Kinapudno a Linaon ti Biblia?

Kasano a Limmawag Manen ti Kinapudno a Linaon ti Biblia?

Dagiti Estudiante ti Biblia, idi dekada 1870

Ti umuna a ruar Ti Pagwanawanan, 1879

Ti Pagwanawanan ita

Impadto ti Biblia a kalpasan ti ipapatay ni Kristo, addanto dagiti palso a mannursuro a tumaud iti tengnga dagiti nagkauna a Kristiano ket tiritirenda ti kinapudno a linaon ti Biblia. (Aramid 20:29, 30) Pimmudno dayta idi agangay. Linaokanda dagiti pannursuro ni Jesus kadagiti pinapagano a narelihiosuan a kapanunotan, isu a timmaud ti palso a Kristianismo. (2 Timoteo 4:3, 4) Kasanotayo a masigurado ita nga umiso ti pannakaawattayo iti talaga nga isursuro ti Biblia?

Dimteng ti panawen nga impalgak ni Jehova ti kinapudno. Impadtona a kabayatan ti “tiempo ti panungpalan . . . , ti pudno a pannakaammo umadunto.” (Daniel 12:4) Idi 1870, ti maysa a bassit a grupo dagiti agbirbirok iti kinapudno nabigbigda a saan a Nainkasuratan ti adu a doktrina ti simbaan. Gapuna, rinugianda nga inadal a naimbag dagiti orihinal a pannursuro ti Biblia ket inikkan ida ni Jehova iti naespirituan a pannakatarus.

Dagiti napasnek a tattao inadalda a naimbag ti Biblia. Rinugian dagiti napasnek nga Estudiante ti Biblia ti pamay-an ti panagadal nga isu ti us-usarenmi agingga ita. Inadalda ti Biblia a topiko por topiko. No adda teksto a dida maawatan, mangbirokda kadagiti sabali a teksto a mangilawlawag iti dayta. Inton makaaramidda iti konklusion a maitunos kadagiti dadduma a paset ti Kasuratan, isuratda dayta. Gapu ta us-usarenda ti Biblia a mangilawlawag iti mismo a linaonna, natakuatanda ti kinapudno maipapan iti nagan ti Dios ken ti Pagarian, ti panggepna iti sangatauan ken iti daga, ti kasasaad dagiti natay, ken ti namnama a panagungar. Gapu iti panagsukimatda, nawayawayaanda manipud iti adu a di umiso a sursuro ken aramid.—Juan 8:31, 32.

Idi 1879, natarusan dagiti Estudiante ti Biblia a panawenen tapno iwaragawagda ti kinapudno. Isu nga iti dayta a tawen, rinugianda nga impablaak ti magasin nga ipabpablaakmi agingga ita, Ti Pagwanawanan Mangibumbunannag iti Pagarian ni Jehova. Iranranudmi met ita dagiti kinapudno a linaon ti Biblia kadagiti tattao iti 240 a pagilian ken iti nasurok a 750 a lenguahe. Talaga nga agsaksaknap ti pudno a pannakaammo!

  • Kalpasan ti ipapatay ni Kristo, ania ti napasamak iti kinapudno a linaon ti Biblia?

  • Kasano a limmawag manen ti kinapudno a linaon ti Sao ti Dios?