Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 25

Apay ken Kasano a Maibangbangon Dagiti Kingdom Hall?

Apay ken Kasano a Maibangbangon Dagiti Kingdom Hall?

Bolivia

Nigeria, idi ken ita

Tahiti

Kas ipakita ti nagan a Kingdom Hall, ti kangrunaan a pannursuro ti Biblia a mailawlawag sadiay ket naipamaysa iti Pagarian ti Dios—ti tema ti ministerio ni Jesus.—Lucas 8:1.

Dagitoy ti sentro ti pudno a panagdaydayaw iti komunidad. Iti Kingdom Hall nga or-organisaren dagiti Saksi ni Jehova ti trabaho a panangikasaba iti naimbag a damag maipapan iti Pagarian. (Mateo 24:14) Agduduma ti kadakkel ken disenio dagiti Kingdom Hall, ngem simple amin dagita. Kaaduanna a saan laeng a maymaysa a kongregasion ti mangus-usar kadagita. Kadagiti nabiit pay a tawen, nakaibangonkami iti pinullo a ribu a baro a Kingdom Hall (agpromedio iti lima iti kada aldaw) tapno adda paggigimongan ti umad-adu a bilang ti kongregasionmi. Kasanomi a naaramid daytoy?—Mateo 19:26.

Naibangon babaen kadagiti donasion. Maipatulod dagitoy a donasion iti sanga nga opisina. Maipabulod ti pondo kadagiti kongregasion a masapul a mangibangon wenno mangtarimaan iti Kingdom Hall-da.

Ibangbangon dagiti boluntario a nagduduma ti kasasaadna iti biag. Iti adu a pagilian, adda dagiti naorganisar a Kingdom Hall Construction Group. Dagiti grupo dagiti construction servant ken boluntario ket maibabaon kadagiti nagduduma a kongregasion iti pagilianda, uray kadagiti nasulinek a lugar tapno tulonganda dagiti lokal a kongregasion a mangibangon iti Kingdom Hall-da. Iti dadduma a pagilian, adda dagiti kualipikado a Saksi a nadutokan a mangimaton iti panagibangon ken panangtarimaan kadagiti Kingdom Hall iti naituding a rehion. Nupay iti dayta a rehion ket adu dagiti eksperto iti panagibangon nga agbolboluntario iti tunggal proyekto, ti kaaduan nga agbolboluntario ket dagiti miembro ti kongregasion a mangusar iti Kingdom Hall. Maar-aramid amin daytoy babaen ti tulong ti espiritu ni Jehova ken iti amin-kararua a panangikagumaan dagiti adipenna.—Salmo 127:1; Colosas 3:23.

  • Apay a naawagan iti Kingdom Hall dagiti lugar a pagdaydayawanmi?

  • Apay a kabaelanmi ti agibangon kadagiti Kingdom Hall iti intero a lubong?

Ammuem ti Ad-adu Pay

Ania ti Maar-aramid iti Kingdom Hall?

Kitaem a mismo ti maar-aramid iti uneg ti Kingdom Hall.

Kasano ti Panaggigimong Dagiti Saksi ni Jehova?

Napampanunotmo kadin no ania ti mapaspasamak kadagiti gimongmi? Sigurado a magustuam ti naibatay iti Biblia nga edukasion a magun-odam sadiay.