Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 27

Ania ti Maitulong ti Kingdom Hall Library?

Ania ti Maitulong ti Kingdom Hall Library?

Israel

Czech Republic

Benin

Cayman Islands

Kayatmo kadi ti agsukimat tapno umadu ti pannakaammom iti Biblia? Adda kadi kayatmo a maammuan maipapan iti maysa a teksto wenno tao, lugar, wenno banag a nadakamat iti Biblia? Wenno napampanunotmo kadin no makatulong ti Sao ti Dios iti problemam? No kasta, mapanka iti library ti Kingdom Hall.

Adda dagiti alikamen a makatulong iti panagsukimat. Mabalin a saan a kompleto ti kopiam kadagiti naibatay iti Biblia a publikasion dagiti Saksi ni Jehova iti bukodmo a lenguahe. Ngem ti library iti Kingdom Hall ket naglaon iti dandani amin a kaudian a publikasion. Mabalin nga addaan met daytoy iti nagduduma a patarus iti Biblia, diksionario, ken dadduma pay a makatulong a reperensia. Mabalinmo ti mapan idiay library sakbay ken kalpasan ti gimong. No adda kompiuter, mabalin nga addaan dayta iti Watchtower Library. Maysa daytoy a program iti kompiuter a naglaon kadagiti kopia dagiti publikasionmi ken addaan iti nalaka nga usaren a search feature a pangbirokan iti reperensia maipapan iti maysa a topiko, sao, wenno teksto.

Makatulong kadagiti estudiante iti Gimong a Panagbiag ken Ministerio. Makatulong kenka ti library iti Kingdom Hall iti panangisaganam kadagiti pasetmo. Ti manangaywan iti Gimong a Panagbiag ken Ministerio ti mangas-asikaso iti library. Siguraduenna a naurnos dayta ken adda dagiti kaudian a publikasion. Isu wenno ti mangyad-adal kenka ket mabalinnaka nga isuro no kasano ti agsukimat. Ngem saan a mabalin ti agiruar iti libro manipud iti Kingdom Hall. Annadantayo met dagiti libro ken saantayo a markaan dagita.

Kuna ti Biblia a tapno ‘masarakantayo a mismo ti pannakaammo iti Dios,’ masapul a sidadaantayo a mangbirok iti dayta a kas “kadagiti nalmeng a gameng.” (Proverbio 2:1-5) Makatulong ti library ti Kingdom Hall iti panagsukimatmo.

  • Ania dagiti alikamen iti library ti Kingdom Hall a makatulong iti panagsukimat?

  • Siasino ti makatulong kenka nga agsukimat iti library?