Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 9

Kasanotayo a Makapagsagana a Naimbag Kadagiti Gimong?

Kasanotayo a Makapagsagana a Naimbag Kadagiti Gimong?

Cambodia

Ukraine

No iyad-adalannaka iti Biblia ti maysa kadagiti Saksi ni Jehova, mabalin nga agsagsaganaka sakbay ti panagadalyo. Tapno magunggonaanka a naimbag, nasayaat no agsaganaka met sakbay a tumabunoka kadagiti gimong. Makatulong no aramidem dayta a regular.

Ammuem no kaano ken sadinoka nga agadal. Kaano a mas maipamaysam ti agadal? Iti bigbigat, sakbay a rugiam dagiti trabahom, wenno iti rabii, no nakaturogen dagiti ubbing? Mangikeddengka iti oras a panagadalmo, uray no apagbiit laeng, ken dimo ipalubos nga adda aniaman a mangagaw iti orasmo. Agadalka iti naulimek a lugar, iddepem ti radio, TV, ken selpon tapno awan ti makasinga kenka. Agkararagka sakbay nga agadalka tapno malipatam ti pakaringgoram ket maipamaysam nga adalen ti Sao ti Dios.—Filipos 4:6, 7.

Markaam ti material nga ad-adalem ken agisaganaka iti sungbat. Kitaem ti kangrunaan a tema ti material. Panunotem ti paulo ti artikulo wenno kapitulo, ken usigem no ania ti nakainaigan ti tunggal subtitulo iti kangrunaan a tema. Kitaem dagiti ladawan ken dagiti pangrepaso a saludsod a mangitampok kadagiti kangrunaan a punto. Kalpasanna, basaem ti tunggal parapo, ken birokem ti sungbat dagiti saludsod. Basaem dagiti nadakamat a teksto, ken panunotem no ania ti nakainaiganda iti material. (Aramid 17:11) No nabirokam ti sungbat ti saludsod, ugedam wenno markaam ti sumagmamano a napateg a sasao iti parapo a mangipalagip kenka iti sungbat. Inton gimong, mabalinmo nga itayag ti imam no kayatmo ti sumungbat iti ababa iti bukodmo a sasao.

No linawas nga agsaganaka para kadagiti gimong, manaynayonan ti ‘pagipempenam iti gameng’ ti pannakaammom maipapan iti Biblia.—Mateo 13:51, 52.

  • Ania nga eskediul ti nasayaat a surotem nga agsagana kadagiti gimong?

  • Kasanoka nga agsagana nga agkomento kadagiti gimong?

Ammuem ti Ad-adu Pay