Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 5

Ania ti Manamnamam Kadagiti Nakristianuan a Gimongmi?

Argentina

Sierra Leone

Belgium

Malaysia

Adu a tattao ti saanen a makimismisa gapu ta awan met ti maal-alada a naespirituan a pannarabay ken liwliwa. No kasta, apay a masapul a tumabunoka kadagiti Nakristianuan a gimong nga inorganisar dagiti Saksi ni Jehova? Ania ti matagiragsakmo sadiay?

Maragsakanka a makikadua kadagiti naayat ken maseknan a tattao. Idi umuna a siglo, dagiti Kristiano ket naorganisar kadagiti kongregasion, ken aggigimongda tapno agdaydayaw iti Dios, agadal iti Kasuratan, ken agpipinnaregta. (Hebreo 10:24, 25) Gapu iti naayat a linnangen kadagiti panagtataripnongda, mariknada nga addada iti sidong dagiti pudno a gagayyem—dagiti kakabsatda iti naespirituan. (2 Tesalonica 1:3; 3 Juan 14) Kasta met laeng ti kasasaad kadagiti panaggigimongmi ita.

Masursurom no kasano nga iyaplikar dagiti prinsipio ti Biblia. Kas idi panawen ti Biblia, agkakadua met kadagiti gimongmi dagiti lallaki, babbai, ken ubbing. Dagiti kualipikado a mannursuro us-usarenda ti Biblia a tumulong kadakami a mangtarus no kasano nga iyaplikar dagiti prinsipio ti Biblia iti inaldaw. (Deuteronomio 31:12; Nehemias 8:8) Nawaya a makipartisipar ti amin iti panagkanta ken kadagiti paset a mabalin a makipartisipar dagiti timmabuno. Ipaayannakami daytoy iti gundaway a mangyebkas iti Nakristianuan a namnamami.—Hebreo 10:23.

Mapatibker ti pammatim iti Dios. Imbaga ni apostol Pablo iti maysa kadagiti kongregasion idi kaaldawanna: “Il-iliwek a makitakayo, . . . tapno adda koma panagsisinnukat iti pammaregta iti nagtetengngaanyo, iti tunggal maysa babaen ti pammati ti sabali, agpadpada iti pammatiyo ken kaniak.” (Roma 1:11, 12) Kadagiti panaggigimongmi, ti regular a pannakilangen kadagiti kapammatianmi patibkerenna ti pammati ken determinasionmi nga agbiag kas Kristiano.

Apay a dimo padasen ti tumabuno iti sumaruno a gimongmi tapno mapadasam a mismo dagitoy? Sibabara nga abrasaendakanto. Libre ti tumabuno kadagiti gimong—awan ti maaramid a panagkolekta.

  • Ania a pagtuladan ti sursurotenmi kadagiti panaggigimongmi?

  • Kasanotayo a magunggonaan no tumabunotayo kadagiti Nakristianuan a gimong?

Ammuem ti Ad-adu Pay

Ania ti Maar-aramid iti Kingdom Hall?

Kitaem a mismo ti maar-aramid iti uneg ti Kingdom Hall.

Gimong ti Kongregasion Dagiti Saksi ni Jehova

Ammuem no sadino ti paggigimonganmi ken no kasano ti panagdaydayawmi.