Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 7

Kasano ti Panaggigimongmi?

Kasano ti Panaggigimongmi?

New Zealand

Japan

Uganda

Lithuania

Ti panaggigimong dagiti nagkauna a Kristiano ket buklen dagiti kanta, kararag, ken panangbasa ken panangadal iti Kasuratan, nga awan ti maaramid nga aniaman a ritual. (1 Corinto 14:26) Kasta met laeng ti maar-aramid kadagiti gimongmi.

Dagiti maisursuro ket naibatay iti Biblia ken praktikal. Kadagiti ngudo ti lawas, aggigimong ti tunggal kongregasion tapno dumngeg iti 30-minuto a palawag a naibatay iti Biblia. Mailawlawag iti daytoy no kasano nga agaplikar ti Kasuratan iti biagtayo ken kadagiti mapaspasamak iti kaaldawantayo. Maiparparegta kadakami a surotenmi dayta iti Bibliami. Kalpasan ti palawag, adda maysa nga oras a Panagadal iti “Pagwanawanan.” Amin a miembro ti kongregasion ket mabalin a makiraman iti panangadal iti artikulo manipud iti maadal nga edision Ti Pagwanawanan. Daytoy ti tumulong kadakami a mangyaplikar iti pannursuro ti Biblia. Agpapada ti artikulo nga adalen ti nasurok a 110,000 a kongregasion iti intero a lubong.

Masursuromi a pasayaaten ti abilidadmi a mangisuro. Aggigimongkami met iti lawasna para iti tallo ti pasetna a programa a natemaan iti Panagbiag ken Ministeriotayo kas Kristiano. Naibatay dayta iti material iti binulan a ruar ti Workbook iti Gimong a Panagbiag ken Ministerio. Ti umuna a pasetna, a Gameng Manipud iti Sao ti Dios, tulongannakami nga agbalin a pamiliar iti paset ti Biblia a nabasan a nasaksakbay ti kongregasion. Iti sumaruno a paset, nga Agbalin a Mas Epektibo iti Ministerio, adda dagiti mabuya a demostrasion a mangipakita no kasano nga ilawlawag ti Biblia iti sabsabali. Adda mangted iti balakad a tumulong tapno mapasayaatmi ti abilidadmi nga agbasa ken makisarita. (1 Timoteo 4:13) Iti maudi a paset, a Panagbiag kas Kristiano, maadal no kasano a mayaplikar dagiti prinsipio ti Biblia. Addaan dayta iti saludsod ken sungbat a panagadal a mangpauneg iti pannakaawatmi iti Biblia.

No tabunuam dagiti gimongmi, sigurado a magustuam ti kalidad ti naibatay iti Biblia nga edukasion a magun-odam.—Isaias 54:13.

  • Ania ti namnamaem a mangngegan kadagiti gimong dagiti Saksi ni Jehova?

  • Ania kadagiti linawas a gimongmi ti kayatmo a tabunuan inton maminsan?