Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 14

Ania Dagiti Eskuelaan a Para Kadagiti Payunir?

Ania Dagiti Eskuelaan a Para Kadagiti Payunir?

Estados Unidos

Gilead School, Patterson, New York

Panama

Nabayagen a napateg kadagiti Saksi ni Jehova ti Nateokratikuan nga edukasion. Adda naisangsangayan nga eskuelaan a nairanta para kadagiti mangus-usar iti amin a tiempoda iti trabaho a panangikasaba iti Pagarian tapno ‘naan-anay a maitungpalda ti ministerioda.’—2 Timoteo 4:5.

Pioneer Service School. Iti ngudo ti umuna a tawen a panagserbi ti maysa kas regular pioneer, isu ket mairaman iti innem nga aldaw a panageskuela a mabalin a maangay iti asideg a Kingdom Hall. Ti panggep ket tapno matulongan ti payunir nga ad-adda a suminged ken ni Jehova, agbalin a mas epektibo iti amin nga aspeto ti ministerio, ken agtultuloy nga agserbi a simamatalek.

School for Kingdom Evangelizers. Daytoy nga eskuelaan nga agpaut iti dua a bulan ket nairanta a mangsanay kadagiti aduan-kapadasan a payunir a sidadaan a mangpanaw iti pagtaenganda tapno agserbi iti sadinoman nga addaan iti panagkasapulan. Kas man la ibagbagada, “Adtoyak! Ibaonnak!” kas panangtulad ken ni Jesu-Kristo, ti katan-okan nga Ebanghelisador a nagbiag ditoy daga. (Isaias 6:8; Juan 7:29) Ti iyaadayo iti pagtaengan ket mabalin nga agkalikagum iti nasimsimple a biag. Mabalin a naan-anay a naiduma ti kultura, klima, ken taraon a nakairuaman ti maysa. Nalabit nasken pay ketdi nga agsursuro iti sabali a lengguahe. Daytoy nga eskuelaan tulonganna dagiti babbaro, babbalasang, ken naasawaan a kakabsat, nga agtawen iti 23 agingga iti 65, a mangparayray kadagiti naespirituan a kualidad a kasapulan iti panangitungpalda iti annongenda ken kadagiti abilidad a tumulong kadakuada nga agpausar a naan-anay ken ni Jehova ken iti organisasionna.

Watchtower Bible School of Gilead. Manipud idi nabuangay ti Gilead idi 1943, nasuroken a 8,000 a nagturpos iti daytoy nga eskuelaan ti naibaon kas misionero tapno mangasaba “agingga iti ungto ti daga” ket nagballigida iti kasta unay. (Aramid 13:47) Idi damo a simmangpet iti Peru dagiti nagturpos iti Gilead, awan pay ti kongregasion iti daytoy a pagilian. Ita, addan ti nasurok a 1,000. Idi nangrugi nga agserbi iti Japan dagiti misionero, awan pay sangapulo a Saksi iti daytoy a pagilian. Ita, nasuroken a 200,000. Ti lima a bulan a panageskuela iti Gilead ramanenna ti nauneg a panangadal iti Sao ti Dios. Dagiti special pioneer wenno misionero, dagiti agserserbi kadagiti sanga nga opisina, wenno dagiti manangaywan iti sirkito ket maaw-awis iti daytoy nga eskuelaan tapno masanayda a naimbag a tumulong a mangipasdek a sititibker iti sangalubongan a trabaho.

  • Ania ti panggep ti Pioneer Service School?

  • Siasino dagiti mabalin nga ageskuela iti School for Kingdom Evangelizers?

Ammuem ti Ad-adu Pay

Dagiti Saksi ni Jehova—Organisado a Mangikasaba iti Naimbag a Damag

Pagaammo dagiti Saksi ni Jehova gapu iti sangalubongan a trabahoda a panangisuro iti Biblia. Kasano a maor-organisar, maiwanwanwan, ken maponponduan ti aktibidadda?

Panangsanay Kadagiti Ministro ti Pagarian

Kasano nga insagana dagiti teokratiko nga eskuelaan dagiti ministro ti Pagarian a mangitungpal iti annongenda?