Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 4

Apay nga Inaramidmi ti Baro a Lubong a Patarus?

Apay nga Inaramidmi ti Baro a Lubong a Patarus?

Congo (Kinshasa)

Rwanda

Paset ti manuskrito Symmachus a naglaon iti nagan ti Dios iti Salmo 69:31 idi maikatlo wenno maikapat a siglo C.E.

Pinullo a tawen a nagusar, nagimprenta, ken nagiwaras dagiti Saksi ni Jehova kadagiti nagduduma a bersion ti Biblia. Ngem nakitami a masapul a mangaramidkami iti baro a patarus tapno ad-adda a matulongan dagiti tattao a maaddaan iti “umiso a pannakaammo iti kinapudno,” nga isu ti pagayatan ti Dios para iti amin a tattao. (1 Timoteo 2:3, 4) Gapuna, idi 1950 inrugimi ti nangipablaak iti sumagmamano a paset ti Biblia iti moderno a lenguahe, ti Baro a Lubong a Patarus. Simamatalek ken siuumiso a naipatarus daytoy a Biblia iti nasurok a 130 a lenguahe.

Kasapulan ti Biblia a nalaka a matarusan. Agbalbaliw dagiti lenguahe iti panaglabas ti panawen, ken adu a patarus ti naglaon kadagiti saan a nalawag ken kadaanan a sasao a narigat a matarusan. Maysa pay, adda dagiti natakuatan a nagkauna a manuskrito a mas umiso ken as-asideg iti orihinal, a nagresulta iti nalawlawag a pannakatarus iti Hebreo, Aramaiko, ken Griego a sasao a nausar iti pannakaisurat ti Biblia.

Kasapulan ti patarus a saan a mangbalbaliw iti Sao ti Dios. Masapul a saan a balbaliwan dagiti agipatpatarus ti kaipapanan ti orihinal a sasao a nausar iti pannakaisurat ti Biblia. Ngem iti kaaduan a patarus, naikkat ti Jehova, a nagan ti Dios, iti Nasantuan a Kasuratan.

Kasapulan ti Biblia a mangpadayaw iti Autorna. (2 Samuel 23:2) Iti Baro a Lubong a Patarus, naisubli ti nagan ni Jehova iti agarup 7,000 a daras a nagparanganna kadagiti kadaanan a manuskrito ti Biblia, kas iti naipakita iti ladawan iti baba. (Salmo 83:18) Kas resulta ti adu a tawen a napinget a panagsukimat, daytoy a Biblia ket nagsayaat a basaen gapu ta silalawag nga iyallatiwna ti kapanunotan ti Dios. Naipatarus man ti Baro a Lubong a Patarus iti lenguaheyo wenno saan, iparegtami nga iyugaliyo a basaen ti Sao ni Jehova iti inaldaw.—Josue 1:8; Salmo 1:2, 3.

  • Apay nga inkeddengmi a kasapulan ti baro a patarus ti Biblia?

  • Ania ti nasayaat nga aramiden iti inaldaw dagiti mayat a mangammo iti pagayatan ti Dios?

Ammuem ti Ad-adu Pay

Ti Biblia—Libro a Naggapu iti Dios

Kasano a matulongannaka ti Biblia a mangrisut kadagiti parikutmo? Apay a mapagtalkam dagiti padtona?