Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 20

Ania ti Akem ti Bagi a Manarawidwid Ita?

Ania ti Akem ti Bagi a Manarawidwid Ita?

Bagi a manarawidwid idi umuna a siglo

Panangbasa iti surat ti bagi a manarawidwid

Idi umuna a siglo, ti bassit a grupo dagiti “apostol ken lallakay idiay Jerusalem” ti nagserbi kas bagi a manarawidwid a mangaramid kadagiti napateg a desision para iti intero a kongregasion dagiti napulotan a Kristiano. (Aramid 15:2) Maymaysa ti desisionda gapu ta agkonkonsultada iti Kasuratan ken agpapaiwanwanda iti espiritu ti Dios. (Aramid 15:25) Kasta met laeng ti ar-aramiden ti Bagi a Manarawidwid ita.

Daytoy ti us-usaren ti Dios a mangaramid iti pagayatanna. Dagiti napulotan a kakabsat nga agserserbi kas Bagi a Manarawidwid ket addaan iti napasnek nga interes iti Sao ti Dios ken adun ti kapadasanda a mangasikaso kadagiti praktikal ken naespirituan a bambanag. Linawas nga agmimitingda tapno pagsasaritaanda dagiti kasapulan dagiti kakabsatda iti intero a lubong. Kas idi umuna a siglo, maipapaay dagiti instruksion a naibatay iti Biblia babaen ti surat wenno babaen kadagiti agdaldaliasat a manangaywan ken dadduma pay. Gapu iti daytoy, agkaykaysa dagiti adipen ti Dios iti panagpampanunot ken panagtigtignay. (Aramid 16:4, 5) Ti Bagi a Manarawidwid idadauluanna ti pannakaisagana ti naespirituan a taraon, iparparegtana iti amin nga ipangpangrunada ti trabaho a panangikasaba iti Pagarian, ken iwanwanwanna ti pannakadutok dagiti kakabsat a lallaki a mangidaulo.

Agpapaiwanwan iti espiritu ti Dios. Ti Bagi a Manarawidwid ket agpapaiwanwan ken Jehova, a Soberano iti intero nga uniberso, ken ni Jesus, nga ulo ti kongregasion. (1 Corinto 11:3; Efeso 5:23) Saanda nga ibilang ti bagbagida kas lider dagiti adipen ti Dios. Isuda ken ti amin a napulotan a Kristiano, ‘agtultuloy a sursurotenda ti Kordero iti uray sadino a papananna.’ (Apocalipsis 14:4) Apresiaren ti Bagi a Manarawidwid no ikararagantayo ida.

  • Siasino ti bagi a manarawidwid idi umuna a siglo?

  • Kasano nga agpapaiwanwan iti Dios ti Bagi a Manarawidwid ita?

Ammuem ti Ad-adu Pay

Siasino ti Nangbuangay Kadagiti Saksi ni Jehova?

Basaem no apay a ni Charles Taze Russell ket saan a nangbuangay iti baro a relihion.