Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

Ania ti Pagayatan ti Dios?

Ania ti Pagayatan ti Dios?

Kayat ti Dios nga agnaedtayo nga agnanayon iti natalna ken naragsak a paraiso a daga!

Ngem mabalin a maisaludsodmo, ‘Kasano ngata a mapasamak dayta?’ Kuna ti Biblia a mapasamak dayta babaen ti Pagarian ti Dios, ken pagayatan ti Dios a maammuan ti amin a tattao ti maipapan iti dayta a Pagarian ken ti panggepna agpaay kadatayo.—Salmo 37:11, 29; Isaias 9:7.

Kayat ti Dios a magunggonaantayo.

Kas iti nasayaat nga ama a sipapanunot iti pagimbagan dagiti annakna, ti nailangitan nga Amatayo kayatna nga agbalintayo a naragsak iti agnanayon. (Isaias 48:17, 18) Inkarina a “ti agaramid iti pagayatan ti Dios agtalinaed iti agnanayon.”—1 Juan 2:17.

Kayat ti Dios a magnatayo kadagiti dalanna.

Kuna ti Biblia a ti Namarsua kadatayo kayatnatayo nga ‘isuro maipapan kadagiti dalanna’ tapno ‘makapagnatayo kadagiti danana.’ (Isaias 2:2, 3) Nangorganisar iti “ili a maipaay iti naganna” tapno maipakaammo ti pagayatanna iti intero a daga.—Aramid 15:14.

Kayat ti Dios nga agkaykaysatayo nga agdaydayaw kenkuana.

Ti nasin-aw a panagdaydayaw ken Jehova saanna a pagsisinaen dagiti tattao no di ket pagkaykaysaenna ida gapu iti napaypayso nga ayat. (Juan 13:35) Siasino ita ti mangisursuro kadagiti tattao iti amin a lugar no kasano ti agserbi iti Dios a sangsangkamaysa? Awisendaka a mangammo iti sungbat babaen iti daytoy a broshur.