Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 21

Ania ti Bethel?

Ania ti Bethel?

Art Department, U.S.A.

Germany

Kenya

Colombia

Ti Bethel ket Hebreo a sao a ti kaipapananna ket “Balay ti Dios.” (Genesis 28:17, 19) Maitutop daytoy nga awag kadagiti pasilidad dagiti Saksi ni Jehova iti intero a lubong. Ditoy a maor-organisar ken masupsuportaran ti trabaho a panangasaba. Ti Bagi a Manarawidwid ket agserserbi iti sangalubongan a hedkuarter idiay New York State, U.S.A., ket sadiay nga imatmatonanna dagiti trabaho kadagiti sanga nga opisina iti nagduduma a pagilian. Kas grupo, dagidiay agserserbi kadagitoy a pasilidad ket maaw-awagan iti pamilia ti Bethel. Kas iti maysa a pamilia, agnanaed, agtrabtrabaho, mangmangan, ken agad-adalda iti Biblia a sangsangkamaysa.—Salmo 133:1.

Naisangsangayan a lugar a sadiay ket boluntario nga agtrabtrabaho dagiti miembro ti pamilia. Iti tunggal pasilidad ti Bethel, adda dagiti Kristiano a lallaki ken babbai nga agserserbi iti amin a tiempo a mangaramid iti pagayatan ti Dios ken agtrabtrabaho a maipaay kadagiti interes ti Pagarian. (Mateo 6:33) Awan kadakuada ti masusuelduan wenno matangtangdanan, ngem libre ti pagyanan ken kanenda ken addaanda met iti allowance para iti personal a paggastuanda. Amin nga adda iti Bethel ket agtrabtrabaho kadagiti opisina, kosina, wenno panganan. Adda met dagiti agtrabtrabaho iti pagimprentaan, wenno agdalus iti kuarto, aglaba, agmantener, ken dadduma pay.

Okupado a lugar a mangsupsuporta iti panangikasaba iti Pagarian. Ti kangrunaan a panggep ti Bethel ket ti panangipakaammo iti kinapudno iti Biblia iti adu a tattao aginggat’ mabalin. Kas pagarigan, naisurat daytoy a broshur babaen ti panangiwanwan ti Bagi a Manarawidwid, naipatulod babaen iti kompiuter kadagiti ginasut a grupo dagiti agipatpatarus iti intero a lubong, nayimprenta babaen kadagiti napapartak a pagimprentaan iti sumagmamano a pasilidad ti Bethel, sa naipatulod iti nasurok a 110,000 a kongregasion. Kadagitoy a proseso, dakkel ti maitultulong ti pamilia ti Bethel a mangsupsuporta iti naganat a trabaho—ti panangikasaba iti naimbag a damag.—Marcos 13:10.

  • Siasino dagiti agserserbi iti Bethel, ken kasano a maas-asikaso dagiti kasapulanda?

  • Ania a naganat a trabaho ti supsuportaran ti aktibidad iti Bethel?

Ammuem ti Ad-adu Pay

Video Clip: Sangalubongan a Trabaho a Panangasaba Dagiti Saksi ni Jehova

Ammuem no apay a binilion nga oras ti mabusbusbos ken ginasut a lenguahe ti maus-usar.