Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Agturturayen ti Pagarian ti Dios!

Kannigid: Kabsat a naaresto gapu iti panangasabana iti Eindhoven, Netherlands idi 1945; kannawan: Legal kadi ti trabaho a panangasaba iti lugaryo?

 BENNEG 4

Panagballigi ti Pagarian—Legal a Panangipasdek iti Naimbag a Damag

Panagballigi ti Pagarian—Legal a Panangipasdek iti Naimbag a Damag

 BAYAT a mangaskasabakayo iti binalaybalay, nakitayo nga adda umas-asideg a lugan ti polis. Idi inrugim ti makisarita iti bumalay, madanagan ti kaduam idi nagsardeng dayta iti asidegyo. Bimmaba ti polis sa inasitgannakayo. “Dakayo kadi dagiti makisarsarita kadagiti tattao maipapan iti Biblia? Adda dagiti naawatmi a reklamo!” Sidadayaw a simmungbatkayo, nga imbagayo a dakayo ket Saksi ni Jehova. Ania ti sumaruno a mapasamak?

Agdepende ti sungbat kadagiti napasamak iti napalabas. Kadagiti napalabas a tawen, kasano ti panangtrato ti gobierno iti pagilianyo kadagiti Saksi ni Jehova? Adda kadi wayawaya ti relihion? No wen, mabalin a dakkel ti naitulong dagiti kapammatiantayo a pinullo a tawen a nangikagumaan a ‘nangidepensa ken legal a nangipasdek iti naimbag a damag.’ (Fil. 1:7) Sadinoman ti pagnanaedanyo, mabalin a mapabileg ti pammatiyo no usigenyo dagiti panangabak dagiti Saksi ni Jehova iti korte. Iti daytoy a benneg, usigentayo ti sumagmamano kadagita a napapateg a panagballigi. Dagita a panagballigi ket naisangsangayan a pammaneknek nga agpayso ti Pagarian gapu ta saantayo a maaramid dayta a bukbukod!