Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Agturturayen ti Pagarian ti Dios!

Kannigid: Ti maudi a panangrambak ti Brooklyn Bethel iti Krismas idi 1926; kannawan: Makita dagiti tattao a naiduma dagiti Saksi ni Jehova

 BENNEG 3

Pagalagadan ti Pagarian—Panangbirok iti Kinalinteg ti Dios

Pagalagadan ti Pagarian—Panangbirok iti Kinalinteg ti Dios

 PINAYAPAYAM ti kaarrubam idi limmabaska. Iti nabiit pay, nadlawmo a palpaliiwennaka ken ti pamiliam. Pinayapayannaka met sa pinadagasnaka. Kinunana: “Adda la saludsodek? Apay a naidumdumakayo?” “Ania ti kayatmo a sawen?” insaludsodmo. Kinunana: “Maysaka a Saksi ni Jehova, saan kadi? Naidumdumakayo. Saankayo a kas kadagiti dadduma a relihion nga agselselebrar kadagiti holiday, ken saankayo a makiramraman iti politika ken gubat. Saankayo nga agsigsigarilio. Ken kasla nangato ti moralidad ti pamiliayo. Apay a nakaad-adu ti nakaidumaanyo?”

Ammom a maysa laeng ti sungbat: Agbibiagtayo iti panangituray ti Pagarian ti Dios. Kas Ari, guggugorannatayo ni Jesus. Tultulongannatayo a magna iti danana tapno maidumatayo iti daytoy nadangkes a lubong. Iti daytoy a benneg, maammuantayo no kasano ti pananggugor ti Mesianiko a Pagarian iti ili ti Dios no maipapan iti naespirituan, moral, ken organisasion—a pakaidayawan ni Jehova.