Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Agturturayen ti Pagarian ti Dios!

Kannigid: Kabsat a babai iti Alabama, U.S.A., a mangipangpangngeg iti nairekord a palawag ni Kabsat Rutherford, idi maudi a paset ti 1930’s; kannawan: Switzerland

 BENNEG 1

Kinapudno Maipapan iti Pagarian—Pannakaipaay ti Naespirituan a Taraon

Kinapudno Maipapan iti Pagarian—Pannakaipaay ti Naespirituan a Taraon

 URAY la rimmaniag ti mata ti iyad-adalam iti Biblia idi naawatanna ti kaipapanan ti teksto a kabasbasayo. Idi kuan, kinunana, “Kayatmo a sawen, isursuro ti Biblia a mabalintayo ti agbiag nga agnanayon iti Paraiso—ditoy daga a mismo?” Immisem ti kaduam iti ministerio sa kinuna, “Ania kadi ti nabasam iti Biblia?” Uray la napangilangil ti iyad-adalam gapu iti siddaawna ket kinunana, “Ita laeng a naammuak dayta!” Kasta met laeng ti imbagana sumagmamano a lawas sakbayna, idi naammuanna iti umuna a gundaway a Jehova ti nagan ti Dios.

Adda kadi met kasta a kapadasam? Adu ti nakapadas iti kasta. Adda sumagmamano a banag a mangipalagip kadatayo a silalawag iti nagpateg a sagut a naited kadatayo—ti pannakaammo iti kinapudno! Ngem panunotem: Kasano a nakagteng kenka dayta a sagut? Mausig dayta a saludsod iti daytoy a benneg. Ti in-inut a pannakaipalgak ti naespirituan a lawag iti ili ti Dios ket nabatad a pammaneknek a pudpudno ti Pagarian ti Dios. Sangagasut a tawenen a sigsiguraduen ni Jesu-Kristo nga Ari daytoy a Pagarian a maisursuro ti kinapudno iti ili ti Dios.