Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Agturturayen ti Pagarian ti Dios!

Segseggaam kadi ti pannakatungpal dagiti kari ti Pagarian?

 BENNEG 7

Dagiti Kari ti Pagarian—Panangpabaro iti Amin a Banag

Dagiti Kari ti Pagarian—Panangpabaro iti Amin a Banag

 AGPURPUROSKA iti dakkel ken naluom a mansanas. Sinay-upmo ti banglona sakbay nga impisokmo iti basket. Mano nga orasen nga agburburaska ngem saanka pay a nabannog. Agburburas met ni nanangmo iti asideg ken maragragsakan a makiin-innestoria kadagiti dadduma a kapamilia ken gagayyem a tumultulong iti panagburas. Nakaub-ubing ti langana—kas iti malagipmo a langana idi ubingka pay. Kasla kaano la daydi panawen a nakitam ti panagbaketna agingga a nagsakit, ket addaka idi iti abayna a mangig-iggem iti imana agingga a nauyos ti biagna. Napalalo idi ti sangitmo. Ngem ita, sibibiag ken nasalun-at manen a kadua ti adu a dadduma pay!

Ammotayo a dumtengto ti kasta a kasasaad. Ngamin, kanayon a pumudno dagiti kari ti Dios. Iti daytoy a benneg, usigentayo no kasano a matungpal iti asidegen a masanguanan ti sumagmamano kadagiti kari ti Pagarian sakbay ti gubat ti Armagedon. Repasuentayo met ti sumagmamano kadagiti makapagagar a kari ti Pagarian kalpasan dayta. Anian a ragsaktayto a makakita iti panawen nga iturayan ti Pagarian ti Dios ti intero a daga, ken pabaruenna ti amin a banag!