Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Posible nga Agbalin a Naragsak ti Pamiliam

 PASET 3

No Kasano a Solbaren Dagiti Problema

No Kasano a Solbaren Dagiti Problema

“Maaddaankayo iti nasged nga ayat iti maysa ken maysa, agsipud ta ti ayat abbonganna ti nakaad-adu a basol.”—1 Pedro 4:8

No rugianyo ti biagyo kas agassawa, tumaud ti nagduduma a problema. Mabalin a gapu ta nagduma ti panagpampanunot, rikrikna, ken panangmatmatyo iti biag. Mabalin met a gapu iti problema ti sabali a tao ken dagiti di ninamnama a pasamak.

Nalaka laeng a di ikankano ti pudno a kasasaad, ngem balakadannatayo ti Biblia a sanguentayo dagiti problematayo. (Mateo 5:23, 24) No iyaplikaryo dagiti prinsipio ti Biblia, maammuanyo ti kasayaatan a solusion dagiti problemayo.

 1 PAGSARITAANYO TI PROBLEMA

TI KUNA TI BIBLIA: “Adda . . . tiempo ti panagsao.” (Eclesiastes 3:1, 7) Siguraduem nga adda tiempoyo nga agsarita maipapan iti problema. Ibagam ti rikrikna ken kapanunotam. Kanayon a ‘sawem ti pudno’ iti asawam. (Efeso 4:25) Uray no masuronka, dika makiriri. No naalumamay ti sungbatmo, saan nga agturong iti apa ti simple a saritaanyo.—Proverbio 15:4; 26:20.

Uray no adda dikay pagtunosan, nakonsiderasionka koma latta, ipakitam nga ay-ayatem ken raraemem ti asawam. (Colosas 4:6) Ikagumaanyo a solbaren a dagus ti problemayo ken itultuloyyo ti komunikasionyo.—Efeso 4:26.

NO ANIA TI MAARAMIDAM:

  • Mangikeddeng iti umiso a tiempo tapno pagsaritaanyo ti problema

  • No agsasao ti asawam dika sumampitaw. Addanto latta tiempom nga agsao

 2 IMDENGAM KEN TARUSAM

TI KUNA TI BIBLIA: “Maaddaankayo iti kinalailo iti maysa ken maysa. Iti panangipakita ti pammadayaw iti maysa ken maysa mangidaulokayo.” (Roma 12:10) Napateg no kasano ti panagimdengmo. Ikagumaam a tarusan ti panangmatmat ti asawam ken ipakitam ti pannakipagrikna ken kinapakumbaba. (1 Pedro 3:8; Santiago 1:19) Dika basta agindedengngeg. No mabalin, isardengmo ti ar-aramidem ken denggem ti ibagbaga ti asawam wenno kiddawem a pagsaritaanyonto dayta. Dika agrurod a dagus no panunotem a saanmo a kalaban ti asawam. —Eclesiastes 7:9.

NO ANIA TI MAARAMIDAM:

  • Umimdengka ken tarusam ti ibagbagana uray no dika umanamong iti dayta

  • Tarusam no ania ti kayat a sawen ti asawam. Paliiwem ti tignay ken wagas ti panagsaona

3 ARAMIDENYO TI NAGSARITAANYO

TI KUNA TI BIBLIA: “Iti tunggal kita ti panagbannog maadda ti pagsayaatan, ngem ti laeng sao dagiti bibig mamagannayas iti panagkasapulan.” (Proverbio 14:23) Saan nga umdas nga agtunoskayo iti solusion. Masapul nga aramidenyo ti napagsaritaanyo. Agkasapulan daytoy iti panangikagumaan ngem sulit ti resultana. (Proverbio 10:4) No agtinnulongkayo adda “naimbag a gunggona” gapu iti panagreggetyo.—Eclesiastes 4:9.

NO ANIA TI MAARAMIDAM:

  • Ikeddengmo no ania dagiti praktikal nga aramidem tapno masolbar dagiti problema

  • Sagpaminsan nga usigem ti nagrang-ayam

Ammuem ti Ad-adu Pay

No Kasano ti Dumngeg a Naimbag

Saan la a basta teknik ti napasnek a panagimdeng no di ket ebkas dayta ti ayat. Ammuem no kasano ti nasaysayaat a panagimdeng.

No Kasano a Maliklikan ti Makapasakit a Sasao

Ania ti mabalinmo nga aramiden no nabaybay-anyo nga agassawa a ti makapasakit a sasao ti nangdadael iti relasionyo?

No Kasano a Pagpatinggaen ti Di Panagin-innuni

Kasano a ti dadduma a pagassawaan ket dumteng iti situasion a dida agin-innuni, ken ania ti mabalinda nga aramiden tapno masolbarda ti dida pagtunosan?