Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Posible nga Agbalin a Naragsak ti Pamiliam

 PASET 5

No Kasano a Mataginayon ti Natalna a Relasion Kadagiti Kabagian

No Kasano a Mataginayon ti Natalna a Relasion Kadagiti Kabagian

“Kawesanyo ti bagbagiyo kadagiti . . . kinamanangngaasi, kinapakumbaba iti panagpampanunot, kinaalumamay, ken mabayag a panagitured [wenno kinaanus].”—Colosas 3:12

Ti panagasawa ket mangpataud iti baro a pamilia. Nupay ay-ayatem ken raraemem dagiti nagannakmo, ti asawam ti kapatgan itan iti biagmo. Mabalin a marigatan ti dadduma a kabagiam a mangakseptar iti dayta. Ngem makatulong kenka dagiti prinsipio ti Biblia tapno agbalinka a balanse, iti kasta, mataginayonmo ti natalna a relasion kadagiti kabagiam bayat nga ikagkagumaam a bangonen ti baro a pamiliam.

 1 TAGINAYONEM TI UMISO A RELASION KADAGITI KABAGIAM

TI KUNA TI BIBLIA: “Dayawem ni amam ken ni inam.” (Efeso 6:2) Rumbeng laeng a dayawem ken raemem dagiti nagannakmo, uray no nataengankan. Bigbigem met a ti asawam, kas maysa nga anak, kasapulan a mangipaay iti atension kadagiti nagannakna. “Ti ayat saan a managimon,” isu a dimo koma ipapan a pakadadaelan dayta ti relasionyo nga agassawa.—1 Corinto 13:4; Galacia 5:26.

NO ANIA TI MAARAMIDAM:

  • Liklikanyo nga ibaga ti “Kanayon nga ibabainnak ti pamiliam” wenno “Pulos a saan a magustuan ni nanangmo ti aramidek”

  • Ikagumaam a kitaen ti bambanag sigun iti panangmatmat ti asawam

 2 TAKDERAM TI SAOM

TI KUNA TI BIBLIA: “Ti maysa a lalaki panawannanto ti amana ken ti inana ket masapul a makitipon iti asawana ket masapul nga agbalinda a maymaysa a lasag.” (Genesis 2:24) No agasawaka, mabalin nga ipapan dagiti nagannakmo nga adda pay laeng rebbengenda kenka. Nalabit pagarupenda a rumbeng a makibiangda iti relasionyo nga agassawa.

Pagtungtonganyo no ania dagiti mabalinda a pakiramanan sa ipakaammoyo dayta kadakuada iti pamay-an saanda a masaktan. (Proverbio 15:1) No napakumbaba, naalumamay, ken naanuskayo mataginayonyo ti nasinged a relasion kadagiti kabagianyo.—Efeso 4:2.

NO ANIA TI MAARAMIDAM:

  • No agproblemaka gapu iti pannakibiang dagiti kabagianyo, pagtungtonganyo dayta no kalmadokayon

  • Pagtulaganyo no kasanoyo a tamingen dagita

Ammuem ti Ad-adu Pay

TI PAGWANAWANAN

Pannakibagay Kadagiti Katugangan

Masansan kadi a makibiang dagiti katugangam? Ammuem no ania ti aramidem tapno sumayaat ti kasasaad ken maliklikan dagiti problemayo nga agassawa.