Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Naimbag a Damag Manipud iti Dios

 Leksion 13

Ania ti Mapasamak Kadagiti Relihion?

Ania ti Mapasamak Kadagiti Relihion?

1. Naimbag kadi amin a relihion?

Adda dagiti napasnek a tattao iti amin a relihion. Naimbag a damag dayta ta makitkita ti Dios dagitoy a tattao ken maseknan kadakuada. Ngem nakalkaldaang ta adda dagiti mangus-usar iti relihion para iti dakes a panggep. (2 Corinto 4:3, 4; 11:13-15) Sigun kadagiti report, adda pay dagiti relihion a nairaman iti terorismo, panangikisap iti puli, gubat, ken panangabuso kadagiti ubbing. Anian a makapaladingit dayta kadagiti napasnek a manamati iti Dios!—Basaem ti Mateo 24:3-5, 11, 12.

Ti pudno a relihion idaydayawna ti Dios, ngem ti palso a relihion ibabainna ti Dios. Isursuro ti palso a relihion dagiti kapanunotan nga awan iti Biblia, a pakairamanan dagiti palso a sursuro maipapan iti Dios ken maipapan kadagiti natay. Kayat ni Jehova a maammuan dagiti tattao ti kinapudno maipapan kenkuana.—Basaem ti Ezequiel 18:4; 1 Timoteo 2:3-5.

2. Ania ti mapasamak kadagiti relihion?

Makaparagsak ta saan a maallilaw ti Dios kadagiti relihion a mangibagbaga nga ay-ayatenda ti Dios ngem iti kinapudnona, ti lubong ni Satanas ti ay-ayatenda. (Santiago 4:4) Iti Sao ti Dios, natukoy ti amin a palso a relihion kas “Babilonia a Dakkel.” Ti Babilonia ket nagan ti kadaanan a siudad a nangrugian ti palso a relihion kalpasan ti Layus idi kaaldawan ni Noe. Iti din agbayag, kellaatto a pagpatinggaen ti Dios dagiti relihion a mangal-allilaw ken mangirurrurumen kadagiti tattao.—Basaem ti Apocalipsis 17:1, 2, 5, 16, 17; 18:8.

Nupay kasta, silalagip ni Jehova kadagiti napasnek a tattao nga adda kadagiti palso a relihion iti intero a lubong. Pagkaykaysaenna dagitoy a tattao babaen ti panangisurona kadakuada iti kinapudno.—Basaem ti Mikias 4:2, 5.

 3. Ania ti rumbeng nga aramiden dagiti napasnek a tattao?

Ti pudno a relihion pagkaykaysaenna dagiti tattao

Maseknan ni Jehova kadagiti tattao a mangay-ayat iti pudno ken naimbag. Idagdagadagna a panawanda ti palso a relihion. Dagiti tattao a mangay-ayat iti Dios sidadaanda nga agbalbaliw tapno maay-ayoda ti Dios.—Basaem ti Apocalipsis 18:4.

Idi umuna a siglo, naragsakan dagiti napasnek a tattao idi nangngegda ti naimbag a damag manipud kadagiti apostol. Nasursuroda ti baro a wagas ti panagbiag manipud ken Jehova, maysa a naragragsak a biag nga addaan iti panggep ken namnama. Naimbagda nga ulidan para kadatayo ita gapu ta impangagda ti naimbag a damag babaen ti panangyun-unada ken Jehova iti biagda.—Basaem ti 1 Tesalonica 1:8, 9; 2:13.

Dagidiay rummuar iti palso a relihion ket awaten ni Jehova iti pamilia dagiti agdaydayaw kenkuana. No awatem ti naayat nga awis ni Jehova, agbalinka a gayyemna, agbalinka met a kameng ti baro ken naayat a pamilia dagiti agdaydayaw kenkuana, ken maaddaanka iti biag nga agnanayon.—Basaem ti Marcos 10:29, 30; 2 Corinto 6:17, 18.

4. Kasano nga iyeg ti Dios ti rag-o iti intero a daga?

Maysa a naimbag a damag ti asidegen a pannakaukom ti palso a relihion. Agresultanto dayta iti pannakabang-ar ti intero a lubong manipud iti pannakairurumen. Awanton ti palso a relihion a mangyaw-awan ken mamagsisina iti sangatauan. Amin a sibibiag agkaykaysadanto nga agdaydayaw iti maymaysa a pudno a Dios.—Basaem ti Apocalipsis 18:20, 21; 21:3, 4.

 

Ammuem ti Ad-adu Pay

Panagdayaw nga Anamongan ti Dios

Ammuem ti innem a pagilasinan ti pudno a relihion.

Salimetmetam ti Pudno a Panagdayaw

Ania dagiti karit a mabalin a pakaipasanguam no isarsaritam dagiti patpatiem kadagiti sabsabali? Kasanom a maaramid dayta a dimo masair ida?