Mapan iti linaonna

Mapan iti listaan dagiti linaonna

 MAIKATLO A SEKSION

“Ummongenkayo”—Naikari a Maisubli ti Nadalus a Panagdaydayaw

“Ummongenkayo”—Naikari a Maisubli ti Nadalus a Panagdaydayaw

EZEKIEL 20:41

NAKAISENTRUANNA: Pannakaisubli nga impalgak dagiti padto ni Ezekiel

Nadadael ti panagkaykaysa ti Israel gapu iti apostasia. Ap-apitennan dagiti bunga ti inaramidna; rinugitanna ti nadalus a panagdaydayaw ken imbabainna ti nagan ti Dios. Nupay naladingitan ni Jehova, impaibagana ken Ezekiel ti agsasaruno a padto a mangted iti namnama. Nagusar ni Jehova kadagiti nalawag ken mangiladawan a sasao ken nakaskasdaaw a sirmata a mangparegta, saan laeng a kadagiti naipanaw nga Israelita no di ket iti amin a nabayagen a mangpadpadaan iti pannakaisubli ti nadalus a panagdaydayaw.

ITI DAYTOY A SEKSION

KAPITULO 8

“Mangdutokakto iti Pastorda”

Impaisurat ti Dios ken Ezekiel ti padto maipapan iti Mesias, ti Agturay ken Pastor ti ili ni Jehova, a permanente a mangisubli iti nadalus a panagdaydayaw.

KAPITULO 9

“Ikkakto Ida iti Nagkaykaysa a Puso”

Adda kadi kaipapanan ita dagiti padto a naited kadagiti Judio a naipan idiay Babilonia?

KAPITULO 10

“Agbiagkayto”

Nakita ni Ezekiel ti sirmata ti tanap a napno iti namaga a tulang a napagbiag manen. Ania ti kaipapanan dayta?

KAPITULO 11

“Pinagbalinka a Parabantay”

Ania dagiti akem ken responsabilidad daytoy a parabantay? Ania a pakdaar ti ipakaammona?

KAPITULO 12

“Pagbalinekto Ida a Maymaysa a Nasion”

Ikarkari ni Jehova a pagkaykaysaenna ti ilina.

KAPITULO 13

“Iladawam ti Templo”

Ania ti kaipapanan ti templo a nakita ni Ezekiel iti sirmata?

KAPITULO 14

“Daytoy ti Linteg Maipapan iti Templo”

Ania dagiti nasursuro dagiti Judio idi tiempo ni Ezekiel manipud iti nasirmata a templo? Ken ania ti kaipapanan daytoy a sirmata kadatayo ita?