Mapan iti linaonna

Mapan iti listaan dagiti linaonna

 KAHON 18A

Ipakdaar ni Jehova ti Um-umay a Dakkel a Gubat

Ipakdaar ni Jehova ti Um-umay a Dakkel a Gubat

Adu ti padto iti Biblia a mangipakdaar iti maudi a gubat a pangdadael ni Jehova iti amin a bumusbusor kenkuana ken iti ilina. Nailista ditoy ti dadduma kadagita. Siputanyo ti pagpapadaan dagitoy a pakdaar, ken laglagipenyo a sinigurado ni Jehova nga adda gundaway ti amin a tao a dumngeg ken agtulnog kadagita.

TIEMPO TI NAGKAUNA NGA ISRAEL

EZEKIEL: “‘Mangayabakto iti espada maibusor kenkuana iti amin a bantayko,’ kuna ti Kangatuan nga Apo Jehova.”​—Ezek. 38:18-23.

JEREMIAS: “[Ni Jehova] a mismo ti mangukom iti amin a tattao. Dagiti managdakdakes ket papatayennanto iti espada.”​—Jer. 25:31-33.

DANIEL: “Mangipasdekto ti Dios ti langit iti maysa a pagarian . . . Rumeken ken pagpatinggaennanto amin dagitoy a pagarian.”​—Dan. 2:44.

 UMUNA A SIGLO C.E.

JESUS: “Addanto dakkel a rigat a saan pay a napaspasamak manipud idi panangrugi ti lubong.”—Mat. 24:21, 22.

PABLO: ‘Ni Jesus a kadua dagiti mannakabalin nga anghelna balsenna dagidiay saan a makaammo iti Dios.’​—2 Tes. 1:6-9.

PEDRO: “Umayto ti aldaw ni Jehova a kas iti mannanakaw, . . . ket matakuatanto ti daga ken dagiti aramid iti dayta.”​—2 Ped. 3:10.

JUAN: ‘Adda rumrummuar iti ngiwat ni Jesus a natadem ken atiddog nga espada a pangdadaelna kadagiti nasion.’​—Apoc. 19:11-18.

AGDAMA A TIEMPO

Ti Biblia ti libro a kasaknapan ti pannakaipatarus ken pannakaiwarasna

DAGITI AGSERSERBI KEN JEHOVA ITA . . .

  • Mangiwarwarasda iti binilion a publikasion a naibatay iti Biblia iti ginasut a lengguahe

  • Mangus-usarda iti minilion nga oras iti kada tawen iti panangasaba