Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Makunam Maipapan iti Biblia?

Ania ti Makunam Maipapan iti Biblia?

Dayta kadi ket . . .

  • libro a naglaon iti sirib ti tao?

  • libro dagiti parparbo nga estoria?

  • Sao ti Dios?

 TI KUNA TI BIBLIA

“Amin a Kasuratan impaltiing ti Dios.”—2 Timoteo 3:16, Baro a Lubong a Patarus.

TI MAIPAAYNA KENKA NO PATIEM DAYTA

Makapnek a sungbat kadagiti napateg a saludsod iti biag.—Proverbio 2:1-5.

Mapagpannurayan a giya iti inaldaw a panagbiag.—Salmo 119:105.

Pudno a namnama iti masanguanan.—Roma 15:4.

 MAPAGTALKANTAYO KADI TI KUNA TI BIBLIA?

Wen, gapu iti tallo a rason:

  • Nakaskasdaaw a panagtutunos. Nasurok a 1,600 a tawen a naisurat ti Biblia. Agarup 40 a nagduduma a tattao ti nangisurat iti dayta. Saan nga agaammo ti kaaduan kadakuada. Ngem agtutunos amin a naisurat iti Biblia ken maymaysa ti kangrunaan a temana!

  • Napudno dagiti mannurat. Masansan a saan a dakamaten dagiti historiador ti pannakaabak dagiti kailianda. Ngem sipaprangka a dinakamat dagiti mannurat iti Biblia dagiti basolda ken basol dagiti kailianda.—2 Cronicas 36:15, 16; Salmo 51:1-4.

  • Matungtungpal a padto. Agarup 200 a tawen a nasaksakbay nga impadto ti Biblia ti pannakadadael ti nagkauna a siudad ti Babilonia. (Isaias 13:17-22) Saanna laeng a dinakamat no kasano a maparmek ti Babilonia no di ket innagananna pay ti mangparmek!—Isaias 45:1-3.

    Adu pay a padto iti Biblia ti natungpal met agingga iti kabassitan a detalye. Ngem saan kadi a dayta ti namnamaentayo iti Sao ti Dios?—2 Pedro 1:21.

 PANUNOTEM

Kasano a mapasayaat ti Sao ti Dios ti biagmo?

Sungbatan dayta ti Biblia iti ISAIAS 48:17, 18 ken 2 TIMOTEO 3:16, 17.

Ammuem ti Ad-adu Pay

Talaga Kadi a ti Dios ti Naggapuan ti Naimbag a Damag?

Kasanotayo a masigurado a pudno ti mensahe ti Biblia?