Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Siasino a Talaga ti Mangkonkontrol iti Lubong?

Siasino a Talaga ti Mangkonkontrol iti Lubong?

Panagkunam . . .

  • ti Dios?

  • dagiti tattao?

  • adda pay sabali?

 TI KUNA TI BIBLIA

“Daydiay Nadangkes konkontrolenna ti intero a lubong.”—1 Juan 5:19.

“Ti Anak ti Dios immay . . . tapno dadaelenna ti aramid ti diablo.”—1 Juan 3:8, New Century Version.

TI MAIPAAYNA KENKA NO PATIEM DAYTA

Maawatam ti makagapu kadagiti problema iti lubong.—Apocalipsis 12:12.

Makapagtalekka a sumayaatto ti lubongtayo.—1 Juan 2:17.

 MAPAGTALKANTAYO KADI TI KUNA TI BIBLIA?

Wen, gapu iti tallo a rason:

  • Asidegen nga agpatingga ti panangituray ni Satanas. Determinado ni Jehova a mamagpatingga iti panangkontrol ni Satanas iti sangatauan. Inkarina a “pukawenna . . . ti Diablo” ken ikkatenna ti amin nga epekto ti inaramid ni Satanas.—Hebreo 2:14, Baro a Lubong a Patarus.

  • Ni Jesu-Kristo ti pinili ti Dios a mangituray iti lubong. Naan-anay a naiduma ni Jesus no idilig iti agdama a naulpit ken managimbubukodan nga agturay iti daytoy a lubong. Inkari ti Dios maipapan iti panagari ni Jesus: “Isu maasianto iti daydiay nanumo ken iti daydiay napanglaw . . . Iti pannakairurumen ken iti kinaranggas subbotennanto ti kararuada.”—Salmo 72:13, 14.

  • Saan nga agulbod ti Dios. Nalawag a kuna ti Biblia: “Dinatayo mabalin nga ulboden ti Dios.” (Hebreo 6:18, Ti Baro a Naimbag a Damag Biblia) No adda ikari ni Jehova nga aramiden, sigurado a tungpalenna! (Isaias 55:10, 11) “Ti agturay iti daytoy a lubong maparuarto.”Juan 12:31.

 PANUNOTEM

Anianto ngata ti kasasaad inton madadael ti agdama nga agturay iti lubong?

Sungbatan dayta ti Biblia iti SALMO 37:10, 11 ken APOCALIPSIS 21:3, 4.

Ammuem ti Ad-adu Pay

Ania ti Panggep ti Dios Para iti Daga?

Ilawlawag ti Biblia no apay a pinarsua ti Dios ti daga, no kaano nga agpatingga ti panagsagaba, ken no ania ti agur-uray iti masanguanan para iti daga ken dagiti agnaed iti dayta.