Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Ni Jesus—Ti Dalan, ti Kinapudno, ti Biag

 KAPITULO 16

Impakita ni Jesus ti Regta iti Pudno a Panagdayaw

Impakita ni Jesus ti Regta iti Pudno a Panagdayaw

JUAN 2:12-22

  • DINALUSAN NI JESUS TI TEMPLO

Kalpasan ti kasar idiay Cana, napan ni Jesus idiay Capernaum. Kaduana a nagdaliasat ni nanangna ken dagiti kakabsatna a da Santiago, Jose, Simon, ken Judas.

Ngem apay a napan ni Jesus idiay Capernaum? Daytoy a siudad ket nangatngato ti lokasionna ken dakdakkel ngem iti Nazaret wenno Cana. Kasta met, adu kadagiti kabbaro nga adalan ni Jesus ti aggigian idiay Capernaum wenno iti asidegna. Gapuna, mabalin a sanayenna ida iti mismo a lugarda.

Idi adda ni Jesus idiay Capernaum, nagaramid met kadagiti milagro. Kas resultana, adu a tattao iti siudad ken iti kabangibangna ti nakangngeg iti maipapan kadagiti inaramidna sadiay. Ngem dandanin mapan idiay Jerusalem ni Jesus ken dagiti kakaduana, a deboto a Judio, tapno selebraranda ti Paskua ti 30 C.E.

Idi adda dagiti adalan ni Jesus iti templo idiay Jerusalem, adda nakaskasdaaw a nakitada ken Jesus, a naiduma iti nakitada idin.

Sigun iti Linteg ti Dios, masapul nga agidaton dagiti Israelita kadagiti animal idiay templo, ken kasapulan dagiti bisita ti taraon bayat ti kaaddada sadiay. Gapuna, ipalubos ti Linteg nga agitugot iti kuarta dagiti aggapu iti adayo a lugar a mapan idiay Jerusalem tapno adda igatangda iti “baka, karnero, kalding,” ken dadduma a banag a mausarda iti panagyanda iti siudad. (Deuteronomio 14:24-26) Gapu iti dayta, dagiti negosiante idiay Jerusalem aglakoda kadagiti animal wenno billit iti mismo a nalawa a paraangan ti templo. Dadduma kadagiti aglaklako ti mangsasaur kadagiti tattao gapu ta nangina ti singirda.

Napalalo ti pungtot ni Jesus isu nga inwarana dagiti sinsilio dagiti agsuksukat iti kuarta, imbalintuagna dagiti lamisaanda, ken pinapanawna ida. Kalpasanna, kinuna ni Jesus: “Ikkatenyo dagitoy! Isardengyo a pagbalinen a pagtagilakuan ti balay ni Amak!”—Juan 2:16.

Idi nakita daytoy dagiti adalan ni Jesus, nalagipda ti padto maipapan iti Anak ti Dios: “Ti panangipategko iti balaymo ket kasla apuy a sumsumged iti pusok.” Ngem insaludsod dagiti Judio: “Ania ti maipakitam a pagilasinan nga adda kalintegam a mangaramid kadagitoy?” Insungbat ni Jesus: “Rebbaenyo daytoy a templo, ket bangonekto iti tallo nga aldaw.”—Juan 2:17-19; Salmo 69:9.

Impagarup dagiti Judio a ti literal a templo idiay Jerusalem ti ibagbaga ni Jesus, isu a dinamagda: “Naibangon daytoy a templo iti 46 a tawen, kasano koma a maibangonmo iti tallo nga aldaw?” (Juan 2:20) Ngem ti bagina ti tuktukoyen ni Jesus kas templo. Tallo a tawen kalpasanna, nalagip dagiti adalanna dagitoy a sasao idi napagungar ni Jesus.

Ammuem ti Ad-adu Pay

Intandudo ni Elias ti Pudno a Panagdayaw

Kasano a matuladtayo ni Elias no makasaritatayo dagiti saan nga umanamong iti isursuro ti Biblia?