Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Isuroyo Dagiti Annakyo

 LEKSION 14

Ti Pagarian a Mangituray iti Intero a Daga

Ti Pagarian a Mangituray iti Intero a Daga

Mapugtuam kadi no ania a Pagarian ti adalenta?— Wen, ti Pagarian ti Dios. Ti Pagarian a mangisubli iti paraiso ditoy daga. Kayatmo kadi a manayonan ti ammom maipapan iti Pagarian ti Dios?—

Kada pagarian, adda arina. Ti Ari ti mangituray kadagiti tattao iti pagarianna. Ammom kadi no asino ti Ari ti Pagarian ti Dios?— Ni Jesu-Kristo. Aggigian ni Jesus idiay langit. Asidegen nga iturayanna ti amin a tao ditoy daga. Naragsaktayonto ngata inton agbalin nga Ari ni Jesus iti intero a daga?—

Asino ti kayatmonto a makita idiay Paraiso?

Sigurado a nakaragragsaktayto! Saanton nga aglalaban ken aggugubat dagiti tattao iti Paraiso. Ay-ayatendanto ti maysa ken maysa. Awanton ti agsakit wenno matay. Makakitanton dagiti bulag, makangngegton dagiti tuleng, makalagto ken makatarayton dagiti pilay. Adunton ti makan. Aggagayyemton dagiti animal ken tattao. Agbiagto manen dagiti natay. Dagiti lallaki ken babbai a naadalta iti daytoy a broshur kas kada Rebecca, Rahab, David, ken Elias ket agbiagto manen! Kayatmonto kadi a maam-ammo ida?—

 Ay-ayatennaka ni Jehova ken kayatna a naragsakka. No itultuloymo nga am-ammuen ni Jehova ken agtulnogka kenkuana, agbiagkanto nga agnanayon iti nagpintas a paraiso! Kayatmo kadi dayta?—

Ammuem ti Ad-adu Pay

Masaktan ti Dios—No Kasanotayo a Maparagsak

Ammom kadi a mabalin a masaktam ni Jehova? Ammuem no kasano a nasaktan da Adan ken Eva ni Jehova babaen kadagiti inaramidda.