Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Isuroyo Dagiti Annakyo

 LEKSION 6

Saan a Nagbuteng ni David

Saan a Nagbuteng ni David

Ania ti aramidem no mabutengka?— Sigurado nga agpatulongka kada nanang ken tatangmo. Ngem adda pay nabilbileg a makatulong kenka. Ammom kadi no asino?— Wen, ni Jehova a Dios. Ammuenta ti estoria ti Biblia maipapan iti agtutubo a ni David. Ammona a kanayon a tulongan ni Jehova isu a di nagbuteng.

Sipud pay ubing ni David, insuro da tatang ken nanangna nga ayatenna ni Jehova. Daytoy ti nakatulong ken David nga agbalin a natured uray no adda dagiti nakabutbuteng a napasamak kenkuana. Ammona nga isu ket tulongan ti Gayyemna a ni Jehova. Naminsan, bayat nga ay-aywanan ni David dagiti karnerona, adda dakkel a leon a nangitaray iti maysa kadagiti karnero! Ammom kadi ti inaramid ni David? Kinamatna ti leon ket pinatayna uray awan armasna! Idi adda manen oso a nangdarup iti karnero, pinatay met laeng dayta ni David! Asino ngata ti timmulong ken David?— Wen, ni Jehova.

Naminsan, impakita manen ni David ti kinaturedna. Makilablaban idi dagiti Israelita kadagiti Filisteo. Adda nakataytayag a soldado a Filisteo, maysa a higante! Goliat ti naganna. Katkatawaanna dagiti soldado nga Israelita ken ti Diosda a ni Jehova. Karkariten ni Goliat dagiti Israelita a lumaban kenkuana. Ngem mabuteng dagiti Israelita. Idi nangngeg ni David, imbagana ken Goliat: ‘Siak ti lumaban kenka! Tulongannakto ni Jehova, ket abakenka!’ Natured kadi ni David?— Wen, nakaturtured. Ammom kadi no ania ti napasamak?

Innala ni David ti pallatibongna ken ti lima a nalamuyot a bato, sa napanna sinango ti higante. Idi nakita ni Goliat a maysa laeng nga ubing ni David, kinatkatawaanna. Ngem imbaga ni David: ‘Lumabanka kaniak a nakaespada, ngem lumabanak kenka iti nagan ni Jehova!’ Idin, nangikabil iti bato iti pallatibongna, sa nagtaray a napan ken Goliat ket intirona. Napuntaan ti tengnga ti muging  ni Goliat! Natumba ti higante, ket natay! Nagbuteng dagiti Filisteo isu a nagtatarayda. Apay nga inabak ti agtutubo a kas ken David ti maysa a higante?— Gapu ta tinulongan ni Jehova a nabilbileg ngem dayta a higante!

Saan a nagbuteng ni David ta ammona a tulongan ni Jehova

Ania ti maadalmo iti estoria maipapan ken David?— Nabilbileg ni Jehova ngem iti asinoman ken agbalin pay a Gayyemmo. No mabutengka, laglagipem a matulongannaka ni Jehova nga agbalin a natured!

BASAEM ITI BIBLIAM