Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Isuroyo Dagiti Annakyo

 LEKSION 13

Kayat ni Timoteo a Tulongan Dagiti Tattao

Kayat ni Timoteo a Tulongan Dagiti Tattao

Ni Timoteo ket maysa nga agtutubo. Maragsakan a tumulong kadagiti tattao. Nakaragragsak gapu ta napan iti adu a lugar tapno tumulong. Kayatmo kadi a maammuan ti maipapan iti dayta?—

Ti ina ken lola ni Timoteo insuroda kenkuana ti maipapan ken Jehova

Dimmakkel ni Timoteo iti siudad ti Listra. Idi ubing pay, insuro kenkuana da lolana a Loida ken nanangna a Eunice ti maipapan ken Jehova. Bayat a dumakdakkel ni Timoteo, kayatna a tulongan ti dadduma a mangam-ammo ken Jehova.

Idi agtutubo pay ni Timoteo, inawis ni Pablo a kumuyog kenkuana a mangasaba iti dadduma a lugar. Kuna ni Timoteo: ‘Sige, sumurotak!’ Nakasagana a sumurot ken tumulong iti sabsabali.

 Kimmuyog ni Timoteo ken Pablo a napan idiay Tesalonica a maysa a siudad iti Macedonia. Tapno makadanonda, adayo ti pagnaenda sada aglugan iti barko. Idi nakasangpetdan, adu ti tinulonganda a mangam-ammo ken Jehova. Ngem nakaunget ti dadduma ket kayatda a saktan ida. Isu a pimmanaw da Pablo ken Timoteo ket nangasabada iti sabali a lugar.

Nakaragragsak ni Timoteo

Kalpasan ti adu a bulan, imbaon ni Pablo ni Timoteo nga agsubli idiay Tesalonica tapno ammuenna ti kasasaad dagiti kakabsat. Masapul a natured ni Timoteo tapno makasubli iti napeggad a siudad! Ngem napan latta gapu ta pampanunotenna ti pagimbagan dagiti kakabsat. Idi nagsubli, naimbag ti impadamagna ken Pablo. Imbagana a nasayaat ti kasasaad dagiti kakabsat idiay Tesalonica!

Adu a tawen a nakikadua ni Timoteo ken Pablo. Naminsan, imbaga ni Pablo iti suratna a ni Timoteo ti kasayaatan nga ibaonna a tumulong kadagiti kongregasion. Ngamin, ay-ayatenna ni Jehova ken dagiti tattao.

Ay-ayatem met kadi dagiti tattao ken kayatmo a tulongan ida a mangam-ammo ken Jehova?— No aramidem dayta, agbalinka met a naragsak kas ken Timoteo!