Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Isuroyo Dagiti Annakyo

 LEKSION 8

Adda Naimbag a Gagayyem ni Josias

Adda Naimbag a Gagayyem ni Josias

Narigat ngata nga aramiden ti umiso?— Kasta ti ibaga ti adu a tao. Ibaga ti Biblia a marigatan ni Josias a mangaramid iti umiso gapu ta ubing pay. Ngem adda naimbag a gagayyemna a timmulong kenkuana. Ammuenta ti maipapan ken Josias ken kadagiti gagayyemna.

Ni Amon ti ari ti Juda. Isu ti tatang ni Josias. Nagdakes nga ari ni Amon ken agdaydayaw iti didiosen. Idi natay ni Amon, ni Josias ti nagbalin nga ari ti Juda. Ngem walo laeng ti tawenna idi! Dakes kadi met ni Josias a kas ken tatangna?— Saan!

Pinakdaaran ni Sofonias dagiti tattao a saanda nga agdayaw kadagiti didiosen

Nagtulnog ni Josias ken Jehova uray no ubing pay. Nakigayyem laeng kadagiti mangay-ayat ken Jehova. Tinulonganda met nga agaramid iti umiso. Siasino dagiti gagayyem ni Josias?

Ti maysa ket ni propeta Sofonias. Ni Sofonias ti nangpakdaar kadagiti umili ti Juda. Imbagana nga adda dakes a mapasamak kadakuada no agdayawda kadagiti  didiosen. Nagtulnog ngarud ni Josias iti imbaga ni Sofonias ket nagdayaw laeng ken Jehova.

Ni Jeremias ti sabali pay a gayyem ni Josias. Agkatawenanda ken agassideg ti lugar a paggigiananda idi ubbingda pay. Aggayyemda unay ta idi natay ni Josias, nagaramid ni Jeremias iti nagpintas a kanta. Maipapan dayta iti iliwna ken Josias. Nagtinnulong da Jeremias ken Josias a mangaramid iti umiso ken agtulnog ken Jehova.

Nagtinnulong da Jeremias ken Josias a mangaramid iti umiso

Ania ti maadalmo iti estoria maipapan ken Josias?— Uray no ubing pay ni Josias, kayatna nga aramiden ti umiso. Ammona a dagidiay laeng mangay-ayat ken Jehova ti pakigayyemanna. Makigayyemka laeng ngarud kadagidiay mangay-ayat ken Jehova ken makatulong kenka a mangaramid iti umiso!