Mapan iti linaonna

Mapan iti listaan dagiti linaonna

 LEKSION 8

Siasino Dagiti Kabusor ti Dios?

Siasino Dagiti Kabusor ti Dios?

Ti kangrunaan a kabusor ti Dios isu ni Satanas a Diablo. Isu ket espiritu a parsua nga immalsa ken Jehova. Itultuloy ni Satanas a labanan ti Dios ket mamataud iti dakkel a parikut kadagiti tattao. Dakes ni Satanas. Isu ket ulbod ken mammapatay.​—Juan 8:44.

Nakikadua ken Satanas ti dadduma nga espiritu a parparsua iti iyaalsana a maibusor iti Dios. Awagan ida ti Biblia a demonio. Kas ken Satanas, dagiti demonio ket kabusor dagiti tattao. Pagay-ayatda a dangran dagiti tattao. (Mateo 9:32, 33; 12:22) Ni Jehova dadaelennanto ni Satanas ken dagiti demoniona iti agnanayon. Ababan ti tiempoda a mangriribuk kadagiti tattao.​—Apocalipsis 12:12.

No kayatmo a gayyemnaka ti Dios, masapul a dika aramiden ti kayat ni Satanas. Kagura ni Satanas ken dagiti demonio ni Jehova. Kabusor ida ti Dios, ket kayatdaka a pagbalinen a kabusor ti Dios. Masapul a piliem no siasino ti kayatmo nga ay-ayuen​—ni Satanas wenno ni Jehova. No kayatmo ti biag nga agnanayon, masapul nga ikeddengmo nga aramiden ti pagayatan ti Dios. Adu dagiti taktika ken pamay-an ni Satanas a mangallilaw kadagiti tattao. Kaaduan kadagiti tattao ti al-allilawenna.​—Apocalipsis 12:9.