Mapan iti linaonna

Mapan iti listaan dagiti linaonna

 LEKSION 16

Ipakitam ti Ayatmo iti Dios

Ipakitam ti Ayatmo iti Dios

Tapno mataginayon ti maysa a gayyem, masapul a kasaritam. Imdengam, ken agimdeng kenka. Saritaem met dagiti naimbag a bambanag maipapan iti gayyemmo kadagiti sabsabali. Kasta met laeng ti pannakigayyem iti Dios. Utobem ti kuna ti Biblia maipapan iti daytoy:

Regular a makisaritaka ken Jehova babaen ti kararag. “Itultuloyyo a reggetan ti panagkararag.”​—Roma 12:12.

Basaem ti Sao ti Dios, ti Biblia. “Amin a Kasuratan impaltiing ti Dios ken makagunggona iti panangisuro, iti panangtubngar, iti panangpalinteg iti bambanag.”​—2 Timoteo 3:16.

Isurom ti sabsabali maipapan iti Dios. “Inkayo ngarud ket mangaramidkayo kadagiti adalan a tattao iti isuamin a nasnasion, . . . nga isursuroyo kadakuada a tungpalenda dagiti isuamin a bambanag nga imbilinko kadakayo.”​—Mateo 28:19, 20.

 Makikaduaka kadagiti gagayyem ti Dios. “Makikuyogka kadagiti masirib a tattao, ket masiribkanto.”​—Proverbio 13:20.

Tumabunoka kadagiti gimong idiay Kingdom Hall. “Agpipinnanunottayo koma iti maysa ken maysa tapno mangparegta iti ayat ken nasayaat nga ar-aramid, . . . agpipinnaregtatayo iti maysa ken maysa.”​—Hebreo 10:24, 25.

Suportaram ti trabaho a maipaay iti Pagarian. “Tunggal maysa [mangted] koma kas iti inkeddengna iti pusona, saan nga iti dakes a nakem wenno iti sidong ti pannakapilit, ta ti Dios ayatenna ti naragsak a manangited.”​—2 Corinto 9:7.