Mapan iti linaonna

Mapan iti listaan dagiti linaonna

Dagiti Demonio Iparegtada ti Iyaalsa Maibusor iti Dios

Dagiti Demonio Iparegtada ti Iyaalsa Maibusor iti Dios

Sumagmamano a kustombre naibatayda iti kinaulbod a dagiti natay ket makitadatayo

Ngem apay a ni Satanas ken dagiti demoniona napingetda a mangallilaw kadagiti tattao? Agsipud ta kayatda a tumipontayo iti iyaalsada. Kayatda nga agdayawtayo kadakuada. Kayatda a patientayo dagiti kinaulbodda ken tapno aramiden dagiti bambanag a di kayat ni Jehova. Adu kadagitoy nga ar-aramid iramanda dagiti kustombre a nainaig kadagiti natay.

Ti ipapatay ti maysa nga inay-ayat ket maysa a nasakit nga emosional a kapadasan, ket normal ken umiso ti panangiyebkas iti ladingit. Kalpasan ti ipapatay ti gayyemna a Lazaro, “nagsangit” ni Jesus.—Juan 11:35.

Nakaad-adu dagiti kustombre a naitimpuyog iti ipapatay, ket agduduma dagitoy iti intero a lubong. Adu dagiti saan a maikontra kadagiti prinsipio ti Biblia. Sumagmamano nga aramid, nupay kasta, naibatayda iti ideya a dagiti natay sibibiagda ket makitada dagiti sibibiag. Dagiti panaglamay, panagdung-aw, ken dagiti naarte a seremonia iti pumpon nairamutda amin iti buteng a di panangay-ayo kadagiti espiritu dagiti natay. Ngem yantangay dagiti natay “awan aniaman nga ammoda,” dagidiay mangal-alagad ti kakasta a bambanag parparang-ayenda ti kinaulbod ni Satanas.—Eclesiastes 9:5.

Dagiti dadduma a kostumbre naibatayda iti kinaulbod a dagiti natay kasapulanda ti tulongtayo

 Dadduma pay a kustombre wenno seremonia agtaudda manipud panamati a dagiti natay kasapulanda ti tulong manipud kadagiti sibibiag ken dangranda dagiti sibibiag no saanda a mapatalna. Iti dadduma a dagdaga dagiti panagpiesta ken panagdaton maang-angayda mabalin nga 40 nga aldaw wenno maysa a tawen kalpasan ti ipapatay ti maysa a tao. Daytoy ket tapno tulongan kano ti pimmusay a ‘makapan’ idiay lugar dagiti espiritu. Ti sabali pay a kadawyan nga aramid isut’ panagiyatang iti taraon ken inumen kadagiti natay.

Dagitoy a bambanag ket kamalida agsipud ta parang-ayenda dagiti kinaulbod ni Satanas maipapan kadagiti natay. Anamonganto ngata ni Jehova ti pannakibibiangtayo kadagiti kustombre a naibatay iti sursuro dagiti demonio? Nikaanoman!—2 Corinto 6:14-18.

Dagiti adipen ti pudno a Dios awan ti aniaman a pannakiramanda kadagiti ar-aramid a mangsuporta kadagiti kinaulbod ni Satanas. Imbes ketdi, siaayat nga ipamaysada ti panangtulong kadagiti sibibiag ken panangliwliwa kadakuada. Ammoda a no ti maysa a tao ket pimmusayen,  ni laeng Jehova ti makatulong iti dayta.—Job 14:14, 15.

Kondenaren ti Dios ti Espiritismo

Dadduma a tattao makisaoda kadagiti demonio a direkta wenno babaen ti maysa a natauan a medium. Daytoy ti maaw-awagan espiritismo. Ti voodoo, panangkulam, mahika, pammadles, ken pannakiuman kadagiti natay ket porma amin ti espiritismo.

Ti Dios busorenna dagitoy a bambanag. Kalikagumanna ti naipamaysa a debosion kenkuana.—Exodo 20:5

Kondenaren ti Biblia dagitoy a bambanag, a kunkunana: “Awan koma ti asinoman a masarakan kenka . . . a mangaramat ti panagpadles, maysa a mammuyon wenno maysa a manangsalamangka wenno managanito, wenno maysa a managilabeg wenno asinoman a makiuman iti medium ti espiritu wenno maysa a propesional a mammadles wenno maysa makiuman kadagiti natay. Ta siasinoman a mangaramid kadagitoy isu ti makarimon ken Jehova.”—Deuteronomio 18:10-12.

Apay a kasta la unay ti panangpakdaar ni Jehova kadatayo maibusor kadagitoy nga aramid?

 Agpaay iti bukodtay a pagimbagan, pakdaarannatay ni Jehova maibusor iti amin a porma ti espiritismo. Maseknan ken ay-ayatenna dagiti tattao, ket ammona a dagidiay makinaig kadagiti demonio agsagabadanto.

Ti maysa a kasta a tao isu ni Nilda, a maysa a medium ti espiritu idiay Brazil. Dagiti demonio pinagbalinda ti biagna a nakarigrigat. Isalaysayna: “Dagiti espiritu . . . linuganandak, a kinontroldak. Nagsinnublat nga addaak iti kasasaad nga adda puotna ken awan puotna, ket nalikmutak kadagiti sikiatriko a problema. Pinarparigatdak unay dagiti demonio ta naapektaran dagiti uratko. Nagtomarak kadagiti pampakalma ken rinugiak ti uminum ken agsigarilio a kanayon. Nagtultuloy daytoy iti las-ud ti tawtawen.”

Dagidiay mangalagad iti espiritismo masansan a dakes ti pagbanaganda. Mabalin a mapukawda ti pagtaenganda, ti wayawayada, uray ti biagda

Idi agangay, babaen ti tulong ni Jehova ken dagiti Saksina ditoy daga, nakalapsut ni Nilda iti impluensia dagiti demonio ket ag­bibiag itan iti maysa a narang-ay, nasalun-at a panagbiag. Kunana: “Paregtaek ti amin a pulos, uray iti apagkanito, a di makinaig kadagiti [dakes] nga espiritu.”