Mapan iti linaonna

Mapan iti listaan dagiti linaonna

Introduksion iti Seksion 7

Introduksion iti Seksion 7

Salaysayen daytoy a seksion ti maipapan kada Ari Saul ken Ari David, ken saklawenna ti agarup 80 a tawen. Idi damo, napakumbaba ken managbuteng iti Dios ni Saul, ngem nagbaliw ken saannan a sinurot dagiti bilin ni Jehova. Inlaksid isuna ni Jehova ket idi agangay, imbilinna ken Samuel a pilienna ni David nga agbalin a sumaruno nga ari ti Israel. Nagimon ni Saul ket namin-adu a pinadasna a patayen ni David, ngem saan a pulos nagibales ni David. Ammo ni Jonatan nga anak ni Saul a ni David ti pinili ni Jehova, isu a nagbalin a matalek ken David. Nakaaramid ni David kadagiti nadagsen a basol, ngem inawatna ti disiplina ni Jehova. No maysaka a nagannak, tulongam ti  anakmo tapno maawatanna a nagpateg ti kanayon a panangsurot kadagiti urnos ti Dios.

ITI DAYTOY A SEKSION

LEKSION 39

Ti Umuna nga Ari ti Israel

Inikkan ti Dios ti Israel kadagiti ukom a mangidaulo kadakuada, ngem kayatda ti maaddaan iti ari. Dinutokan ni Samuel ni Saul kas umuna nga ari, ngem idi agangay, inlaksid ni Jehova. Apay?

LEKSION 40

Ni David ken ni Goliat

Pinili ni Jehova ni David nga agbalin a sumaruno nga ari ti Israel, ket impakita ni David nga isu ket maikari iti dayta.

LEKSION 41

Ni David ken ni Saul

Apay a kagura ni Saul ni David? Ania ti inaramid ni David?

LEKSION 42

Ti Natured ken Matalek a ni Jonatan

Nagbalin a nadekket a gayyem ni David ti anak ti ari.

LEKSION 43

Ti Basol ni Ari David

Nagresulta iti adu a pakarigatan ti maysa a kamali a desision.