Mapan iti linaonna

Mapan iti listaan dagiti linaonna

Introduksion iti Seksion 11

Introduksion iti Seksion 11

Daytoy a seksion ti pangrugian dagiti salaysay iti Kristiano a Griego a Kasuratan. Dimmakkel ni Jesus iti nanumo a pamilia nga aggigian iti bassit nga ili, ken nagtrabaho a kadua ti tatangna a karpintero. Ni Jesus ti mangisalakan kadagiti tattao. Isu ti pinili ni Jehova nga agbalin nga Ari ti Pagarian ti langit. No maysaka a nagannak, tulongam ti anakmo tapno maawatanna a pinili a naimbag ni Jehova ti pamilia ken aglawlaw a pakapadakkelan ni Jesus. Adalenyo no kasano a prinotektaran ni Jehova ni Jesus idi kayat a papatayen ni Herodes ken ilawlawagmo nga awan ti makalapped ken Jehova a mangitungpal iti panggepna. Adalenyo no kasano a pinili ni Jehova ni Juan a mangisagana iti dalan para ken Jesus. Iyunay-unaymo no kasano nga  impakita ni Jesus nga ipatpategna ti sirib a naggapu ken Jehova uray idi ubing pay.

ITI DAYTOY A SEKSION

LEKSION 68

Nagsikog ni Elisabet

Apay a naibaga iti asawa ni Elisabet a saan a makapagsao agingga a saan a mayanak ti ubing?

LEKSION 69

Binisita ni Gabriel ni Maria

Adda mensahe nga imbaga ti anghel a nangbalbaliw iti biagna.

LEKSION 70

Impakaammo Dagiti Anghel ti Pannakayanak ni Jesus

Dagus a napan dagiti pastor idiay Betlehem idi nangngegda ti pakaammo.

LEKSION 71

Prinotektaran ni Jehova ni Jesus

Kayat ti maysa a dakes nga ari a papatayen ni Jesus.

LEKSION 72

Ti Ubing a ni Jesus

Apay a nagbilib kenkuana dagiti mannursuro iti templo?

LEKSION 73

Insagana ni Juan ti Dalan

Nagbalin a propeta ni Juan idi dimmakkel. Insurona nga um-umayen ti Mesias. Ania ti reaksion dagiti tattao iti mensahena?