Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Librok Dagiti Estoria ti Biblia

Estoria 116: Kasano nga Agbiagtayo ti Agnanayon

Estoria 116: Kasano nga Agbiagtayo ti Agnanayon

MAIBAGAM kadi no aniat’ basbasaen ti bassit nga ubing ken ti gagayyemna? Wen, isu Ti Librok dagiti Estoria ti Biblia. Ken basbasaenda dagiti estoria a basbasaem ita—“Kasano nga Agbiagtayo ti Agnanayon.”

Agbasbasa nga ubing

Ammom kadi ti ad-adalenda? Umuna isut’ panangammotayo maipapan ken Jehova a Dios ken ni Jesu-Kristo no kayattayo ti agbiag ti agnanayon. Kuna ti Biblia: ‘Kastoy ti panagbiag ti agnanayon. Ammuem ti pudpudno a Dios, ken ni Jesu-Kristo, nga Anakna.’

Kasanotay a maammuan da Jehova ken ni Jesus? Maysa ket babaen ti panagbasa Ti Librok dagiti Estoria ti Biblia. Adu ti maibaga dayta kadakuada a dua, saan kadi? Ngem masapul nga ad-adu pay ti aramidentayo ngem basta panangbasa itoy a libro.

Maysa a Biblia

Makitam kadi ti maysa pay a libro iti datar? Isu ti Biblia. Pabasam kadagiti dadduma dagiti paset ti Biblia a nakaibasaran dagiti estoria daytoy a libro. Ibaga ti Biblia kadatayo amin a masapul a maammuantayo maipapan ti panagserbi iti Dios. Isu a daytat’ adalentayo a kanayon.

Ngem ti basta panangammo maipapan ken Jehova a Dios ken ni Jesu-Kristo saan nga umdas. Ammom kadi pay ti kasapulan, tapno magun-odantayo ti biag nga agnanayon?

Masapul nga agbiagtayo a maitunos iti bambanag a maadadaltayo. Malagipmo kadi ni Judas Iscariote? Isut’ maysa kadagiti 12 a pinili ni Jesus nga apostolesna. Adut’ ammo ni Judas maipapan ken Jesus ken ni Jehova. Ngem nagbalin a naagum ket liniputanna ni Jesus kadagiti kabusorna iti 30 a kapisi ti pirak. Gapuna dinto umawat ni Judas ti biag nga agnanayon.

Malagipmo ni Giezi? Iti Estoria 69 nakitatayo ti panaggustona a maaddaan ti luplupot ken kuarta a dina kukua. Isu a nagulbod tapno maalana dagitoy a bambanag. Ngem isut’ dinusa ni Jehova. Ket dusaennatayo met, no ditay agtulnog iti linlintegna.

Ngem adu ti naimbag a tattao a kanayon nga agserserbi a simamatalek ken Jehova. Ni ubing a Samuel nagsayaat nga ulidan a suroten. Malagipmo, nakitatay idiay Estoria 55 nga uppat wenno lima a tawenna laeng idi nagserbin idiay tabernakulo. Isu nga uray kasano ti kinaubingmo, saanka nga ubing unay tapno agserbi ken Jehova.

Siempre, daydiay kayattay amin a suroten isu ni Jesu-Kristo. Uray idi isut’ ubing, kas naipakita iti Estoria 87, sarsaritaennan kadagiti dadduma maipapan ti nailangitan nga Amana. Tuladentayo ti ulidanna. Ibagatayo iti adu a tattao maipapan ti nakaskasdaaw a Diostayo a ni Jehova ken ti Anakna, a ni Jesu-Kristo. No aramidentayo dagitoy a bambanag, iti kasta makapagiantayto nga agnanayon idiay baro a paraiso ti Dios ditoy daga.

Juan 17:3; Salmo 145:1-21.



Dagiti Saludsod

  • Ania ti masapul nga ammuentayo no kayattayo ti agbiag nga agnanayon?
  • Kasanotayo a maammuan ti maipapan kada Jehova a Dios ken ni Jesus, kas iti ar-aramiden ti bassit nga ubing ken dagiti gagayyemna iti ladawan?
  • Iti ladawan, ania ti makitam a sabali pay a libro, ket apay a masapul a kanayon a basaentayo daytoy?
  • Malaksid iti panangammo iti maipapan kada Jehova ken Jesus, ania pay ti masapul nga aramidentayo tapno magun-odtayo ti biag nga agnanayon?
  • Ania ti masursurotayo iti Estoria 69?
  • Ania ti ipakita ti nasayaat nga ulidan ni ubing a Samuel iti Estoria 55?
  • Kasanotayo a matulad ti ulidan ni Jesu-Kristo, ket no aramidentayo, anianto ti magunggonatayo iti masanguanan?

Kanayonan a salsaludsod

  • Basaenyo ti Juan 17:3.

    Kasano nga ipakita ti Kasuratan a ti kaipapanan ti pananggun-od iti pannakaammo maipapan kada Jehova ken Jesu-Kristo ket saan laeng a basta panangikabesa kadagiti kinapudno? (Mat. 7:21; Sant. 2:18-20; 1 Juan 2:17)

  • Basaenyo ti Salmo 145:1-21.

    Ania ti sumagmamano kadagiti adu a rasontayo a mangidaydayaw ken ni Jehova? (Sal. 145:8-11; Apoc. 4:11)

    Kasano a ni Jehova ket “naimbag iti isuamin,” ken kasano koma nga ad-adda nga iyadaninatayo daytoy kenkuana? (Sal. 145:9; Mat. 5:43-45)

    No napateg ni Jehova iti pusotayo, matignaytayo a mangaramid iti ania? (Sal. 119:171, 172, 175; 145:11, 12, 21)

Ammuem ti Ad-adu Pay

NI JESUS—TI DALAN, TI KINAPUDNO, TI BIAG

Ti Dalan, ti Kinapudno, ti Biag

Dagiti pannursuro ken inaramid ni Jesus a masarakan kadagiti Ebanghelio mabalin a balbaliwanna ti biagmo.

TI PAGWANAWANAN

Nasursuro ni Jesus ti Agtulnog

Yantangay perpekto ni Jesus, apay a masapul a sursuruenna ti agtulnog?

ANIA A TALAGA TI ISURSURO TI BIBLIA? (GIYA ITI PANAGADAL)

Ania ti Panggep ti Dios iti Daga? (Paset 1)

Inranta kadi ti Dios a kastoy ti pagbalinan dagiti bambanag?