Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Librok Dagiti Estoria ti Biblia

Estoria 95: Ti Panangisuro ni Jesus

Estoria 95: Ti Panangisuro ni Jesus

MAYSA nga aldaw kuna ni Jesus iti maysa a lalaki nga ayatenna dagiti kaarrubana. Ti lalaki nagsaludsod ken Jesus: ‘Asino ti kaarrubak?’ Ammo ni Jesus ti pampanunoten daytoy a lalaki. Pampanunoten ti lalaki a dagiti laeng tattao iti mismo a rasa ken relihionna dagiti kakaarrubana. Gapuna kitaentayo no aniat’ imbaga ni Jesus kenkuana.

Nagistoria maipapan ti maysa a Judio ken Samaritano. Ammotayon a kaaduan a Judio saanda a kaykayat dagiti Samaritano. Adtoy ti estoria ni Jesus.

Maysa nga aldaw adda Judio a sumalsalog iti maysa a kalsada nga agturong Jerico. Ngem isut’ sinaneb dagiti mannanakaw. Innalada ti kuartana ket sada minalmalo agingga a dandani matay.

Kalpasanna, maysa a padi a Judio ti nagna iti dayta a kalsada. Nakitana daydiay lalaki. Aniat’ pagarupmo nga inaramidna? Isut’ bimmallasiw laeng iti bangir ti kalsada ket sa nagtultuloyen iti dalanna. Idi kuan adda maysa manen nga immay. Maysa a Levita. Uray isu di met nagsardeng. Makitamon ti padi ken ti Levita idiay adayo.

Ngem asino daydiay maysa a tumultulong iti tao a tinulisanda? Isut’ maysa a Samaritano. Agagasanna dagiti sugatna. Kalpasanna impanna ti Judio iti lugar a mabalinna a paginanaan ken pagpaimbaganna.

Ti nasingpet a Samaritano

Idi nalpasnan ti estoriana, kuna ni Jesus: ‘Asino kadagitoy a tallo ti kunam nagtignay kas kaarruba ti tao a tinulisanda?’

Simmungbat ti lalaki: ‘Ti Samaritano. Isut’ naasi iti daydiay tao a tinulisanda.’

Kuna ni Jesus: ‘Husto. Inka ngarud ket tratuem dagiti dadduma kas ti inaramidna.’

Dika kadi kayat ti wagas a panangisuro ni Jesus?

Lucas 10:25-37.



Dagiti Saludsod

  • Ania ti sinaludsod ti maysa a lalaki ken ni Jesus, ken apay?
  • Ania ti ammotayon maipapan kadagiti Judio ken Samaritano?
  • Iti estoria nga insalaysay ni Jesus, ania ti napasamak iti maysa a Judio a sumalsalog iti kalsada nga agturong idiay Jerico?
  • Ania ti napasamak idi adda nagna iti dalan a maysa a padi a Judio ken maysa a Levita?
  • Iti ladawan, siasino ti mangtultulong iti Judio a dinangran dagiti tulisan?
  • Idi nalpasen ti estoria ni Jesus, ania ti insaludsodna, ket ania ti insungbat ti lalaki?

Kanayonan a salsaludsod

  • Basaenyo ti Lucas 10:25-37.

    Imbes a nangted iti direkta a sungbat, kasano a tinulongan ni Jesus ti maysa a lalaki a nalaing iti Linteg a mangtarus iti bambanag? (Luc. 10:26; Mat. 16:13-16)

    Kasano nga inusar ni Jesus dagiti ilustrasion a mangparmek iti panangidumduma iti biang dagiti agdengdengngeg kenkuana? (Luc. 10:36, 37; 18:9-14; Tito 1:9)

Ammuem ti Ad-adu Pay

NI JESUS—TI DALAN, TI KINAPUDNO, TI BIAG

Samaritano a Nangipakita iti Panagbalin a Pudno a Kaarruba

Kasano nga inusar ni Jesus ti pangngarig maipapan iti “naimbag a Samaritano” a mangisuro iti nagpateg a leksion?

NI JESUS—TI DALAN, TI KINAPUDNO, TI BIAG

Nagsubli ti Napukaw nga Anak

Ania ti masursurotayo iti ilustrasion ni Jesus maipapan iti bayanggudaw nga anak?