Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Ti Librok Dagiti Estoria ti Biblia

Paset 6: Pannakaiyanak ni Jesus Inggana ti Ipapatayna

Paset 6: Pannakaiyanak ni Jesus Inggana ti Ipapatayna

Naibaon ni anghel Gabriel iti balasang nga agnagan Maria. Imbagana nga isuntot’ mangiyanak ti ubing nga agarinto ti agnanayon. Ti ubing, a ni Jesus, naiyanak iti kulloong. Isut’ sinarungkaran dagiti pastor, ken dagiti lallaki a naggapu iti Daya. Sa naisalakan ni Jesus iti panagregget a mangpapatay kenkuana.

Idi 12 años ni Jesus, makitatayo a makisarsarita kadagiti mannursuro idiay templo. Sangapulo ket walo a tawen kamaudiananna, nabautisaran ni Jesus, ket rinugianna nga inkasaba ti Pagarian ken panangisuro a nangibaonan ni Amana nga aramidenna ditoy daga. Nangpili ti 12 a lallaki a tumulong iti daytoy a trabaho ket pinagbalinna ida nga apostoles.

Adu a milagro ti inaramid ni Jesus. Pinagungarna pay dagiti natay. Kamaudiananna, maammuantayo no aniat’ napasamak ken Jesus iti maudi nga aldaw ti biagna, ken no kasano a napapatay. Nangaskasaba ni Jesus iti tallo ket kagudua a tawen, gapuna ti PASET 6 sinaklawna ti panawen a nasursurok bassit ngem 34 a tawtawen.

Mangisursuro ni Jesus

Ammuem ti Ad-adu Pay

Kaano a Naisurat Dagiti Salaysay Maipapan ken ni Jesus?

Kasano kapaut ti panawen manipud iti ipapatay ni Jesus agingga iti pannakaisurat dagiti Ebanghelio?

Siasino ni Jesu-Kristo?

Ammuem no apay a natay ni Jesus, no ania ti subbot, ken no ania ti ar-aramiden ni Jesus itan.