Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Ti Librok Dagiti Estoria ti Biblia

Estoria 70: Ni Jonas ken ti Dakkel nga Ikan

Estoria 70: Ni Jonas ken ti Dakkel nga Ikan

KITAEM ti tao idiay danum. Dayta ikan ti mangalun-on kenkuana! Ammom kadi no asino daytoy a tao? Jonas ti naganna. Kitaentayo no kasanot’ pannakaipanna iti adu a riribok.

Ni Jonas ket mammadto ni Jehova. Di nagbayag kalpasan ipapatay ni Eliseo a kuna ni Jehova ken Jonas: ‘Inka idiay Nineve. Nagdakes dagiti tattao idiay, ket kayatko a kasaom ada iti dayta’

Ni Jonas ken ti dakkel nga ikan

Ngem madi a mapan ni Jonas. Naglugan iti sasakayan nga agturong iti kasungani ti Nineve. Di naragsakan ni Jehova ket pinagbagyona ti napigsa. Nagbuteng dagiti tattao a lumneden ti sasakayanda. Immawagda kadagiti didiosda iti tulong.

Kalpasanna, kuna ni Jonas kadakuada: ‘Agdaydayawak ken Jehova. Itartarayak ti paar-aramid ni Jehova kaniak.’ Gapuna insaludsod dagiti tattao: ‘Aniat’ aramidenmi tapno sumardeng ti bagyo?’

‘Ipalladawdak iti baybay,’ kuna ni Jonas. Di kayat nga aramiden dagiti tattao dayta, ngem dumakes unayen ti bagyo a gapu itoy intapuakdan ni Jonas. Dagdagus, nagsardengen ti bagyo.

Ni Jonas ti inalun-on ti dakkel nga ikan. Ngem saan a natay. Iti tallo nga aldaw ken tallo a rabii isut’ adda idiay tian ti ikan. Maladingitan unay ni Jonas a di nagtulnog ken Jehova a napan idiay Nineve.

Nagkararag ni Jonas ken Jehova maipaay iti tulong. Ket ni Jehova impaipugsona iti ikan ni Jonas iti namaga a daga. Kalpasan dayta, napanen ni Jonas idiay Nineve. Di kadi isuro daytoy kadatayo ti kinapateg ti intay panangaramid aniaman nga ibaga ni Jehova kadatayo?

Libro ti Biblia a Jonas.



Dagiti Saludsod

  • Siasino ni Jonas, ket ania ti imbaga ni Jehova nga aramidenna?
  • Gapu ta saanna a kayat ti mapan idiay pangibabaonan kenkuana ni Jehova, ania ti inaramid ni Jonas?
  • Ania ti imbaga ni Jonas nga aramiden dagiti tattao tapno sumardeng ti bagyo?
  • Kas makitam iti ladawan, ania ti napasamak idi naitapuaken ni Jonas iti danum?
  • Mano nga aldaw nga adda ni Jonas iti tian ti ikan, ket ania ti inaramidna sadiay?
  • Napanan ni Jonas idi impugso ti dakkel nga ikan, ket ania ti isuro daytoy kadatayo?

Kanayonan a salsaludsod

  • Basaenyo ti Jonas 1:1-17.

    Ania ti nabatad a karirikna ni Jonas maipapan iti annongenna a mangasaba kadagiti taga Nineve? (Jon. 1:2, 3; Prov. 3:7; Ecl. 8:12)

  • Basaenyo ti Jonas 2:1, 2, 10.

    Kasano a ti kapadasan ni Jonas ipanamnamana kadatayo a sungbatan ni Jehova dagiti kararagtayo? (Sal. 22:24; 34:6; 1 Juan 5:14)

  • Basaenyo ti Jonas 3:1-10.

    Ni Jonas ket inusar latta ni Jehova nupay nagkedked idi a mangitungpal iti annongenna. Kasanotayo a maparegta iti daytoy? (Sal. 103:14; 1 Ped. 5:10)

    Iti kapadasan ni Jonas kadagiti taga Nineve, ania ti maadaltayo maipapan iti panangukom kadagiti tattao iti teritoriatayo? (Jon. 3:6-9; Ecl. 11:6; Ara. 13:48)

Ammuem ti Ad-adu Pay

Bible Card: Jonas

Ania dagiti kualidad ni Jehova a masursurotayo iti salaysay ti Biblia maipapan ken ni Jonas?