Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Ti Librok Dagiti Estoria ti Biblia

Estoria 39: Ti Baston ni Aaron Nagsabong

Estoria 39: Ti Baston ni Aaron Nagsabong

MAKITAM dagiti sabong ken naluom nga almendro a timmubo iti daytoy a baston, wenno sarukod? Isu daytoy ti baston ni Aaron. Dagitoy a sabong ken ti naluom a bunga ti timmuboda iti baston ni Aaron iti maysa a rabii laeng! Kitaentayo no apay.

Ni Moises iyaw-awatna ken Aaron ti nagsabong a baston

Dagiti Israelitas ti nabayag met bassiten nga agpagnapagnada idiay let-ang. Dadduma kadagiti tattao kunada a di rebbeng a ni Moises ti agbalin a pangulo, wenno ni Aaron ti agbalin a nangato a padi. Ni Core ti maysa kadagidiay agkunkuna iti daytoy, kasta met ni Datan, ni Abiram ken 250 a papangulo dagiti tattao. Amin dagitoy immayda ket kunada ken Moises: ‘Apay nga ikabkabilmo ti bagim a nangatngato ngem kadakami?’

Imbaga ni Moises ken Core ken dagiti paspasurotna nga umayda idiay tabernakulo agraman dagiti paginsensoanda. Makitadanto no asino ti pilien ni Jehova. Iti sumaganad nga aldaw immay ni Core ken ti 250 a paspasurotna idiay tabernakulo. Adut’ mangsupsuportar kadagitoy a lallaki. Nakapungtot unay ni Jehova.

Kunaen ni Moises: ‘Pumanawkayo manipud tolda dagitoy dakes a lallaki.’ Impangag dagiti tattao ket immadayoda kadakuada. Ket kuna ni Moises: ‘Iti daytoy maammuanyo no asino ti pinili ni Jehova. Ti daga agnganga ket alun-onenna dagitoy dakes a tattao.’

Dagus nagnganga ti daga. Ni Datan ken Abiram ken dagidiay kakaduada, ket dagiti tolda ni Core, nakaranukonda. Ti daga ti kinaemanna ida. Nagbuteng dagiti tattao ket nagikkisda: ‘Agtaraykayo! Di la ket ta ti daga alun-onennatayo met!’

Ni Core ken ti 250 a paspasurotna ti addada pay laeng idiay asideg ti tabernakulo. Gapuna nangipatulod ni Jehova ti apuy, ket nauramda amin. Kalpasanna imbaga ni Jehova a dagiti paginsensoan dagiti natay a lallaki aramidenda a naingpis nga abbong ti altar. Daytoy nga abbong ti altar ti mamakdaar kadagiti Israelitas a ni laeng Aaron ken ti annakna ti agtignay kas papadi ni Jehova.

Ngem kayat a pagbalinen ni Jehova a nalawlawag no asino ti pinilina kas padi. Gapuna impaikabilna kadagiti pangulo ti tunggal tribo ti maysa a baston idiay tabernakuko iti sanguanan ti lakasa ti tulag. Nangikabil ni Aaron ti baston sadiay para iti tribo ni Levi. Ti baston daydiay napili kas padi ti agsabong!

Iti sumaganad a bigat, adtoy, ti baston ni Aaron ti nagsabong ken nagtubo met dagiti naluom nga almendro! Gapuna makitamon no apay pinatubo ni Jehova ti sabsabong iti baston ni Aaron?

Numeros 16:1-49; 17:1-11; 26:10.



Dagiti Saludsod

  • Siasino ti bimmusor iti autoridad da Moises ken Aaron, ket ania ti imbagada ken ni Moises?
  • Ania ti imbaga ni Moises nga aramiden da Core ken ti 250 a pasurotna?
  • Ania ti imbaga ni Moises kadagiti tattao, ket ania ti dagus a napasamak?
  • Ania ti napasamak kada Core ken ti 250 a pasurotna?
  • Ania ti naaramid kadagiti paginsensoan dagiti natay a lallaki, ken apay?
  • Apay a pinagsabong ni Jehova ti baston ni Aaron? (Kitaem ti ladawan.)

Kanayonan a salsaludsod

  • Basaenyo ti Numeros 16:1-49.

    Ania ti inaramid da Core ken dagiti pasurotna, ket apay a maysa daytoy a panagalsa ken ni Jehova? (Num. 16:9, 10, 18; Lev. 10:1, 2; Prov. 11:2)

    Ania a di umiso a panangmatmat ti pinatanor da Core ken ti 250 a “papanguluen ti gimong”? (Num. 16:1-3; Prov. 15:33; Isa. 49:7)

  • Basaenyo ti Numeros 17:1-11 ken 26:10.

    Ania ti ipasimudaag ti panagsaringit ti baston ni Aaron, ken apay nga imbilin ni Jehova a maikabil daytoy iti lakasa? (Num. 17:5, 8, 10)

    Ania a napateg a leksion ti masursurotayo iti pagilasinan iti baston ni Aaron? (Num. 17:10; Ara. 20:28; Fil. 2:14; Heb. 13:17)

Ammuem ti Ad-adu Pay

Aaron Bible Card

Apay a saan a napalubosan ni Aaron a sumrek iti Naikari a Daga?