Mapan iti linaonna

Mapan iti listaan dagiti linaonna

 ADALEN 14

Ipaganetget Dagiti Kangrunaan a Punto

Ipaganetget Dagiti Kangrunaan a Punto

Hebreo 8:1

SUMARIO: Tulongam ti agdengdengngeg a makasurot iti palawagmo, ken pagbalinem a nalawag ti koneksion ti tunggal kangrunaan a punto iti panggep ken temam.

TI ARAMIDEM:

  • Maaddaan iti panggep. Ammuem no ti panggep ti palawagmo ket mangpakaammo, mangkombinsir, wenno mangtignay kadagiti agdengdengngeg, sa itunosmo iti dayta ti palawagmo. Siguraduem nga usaren ti amin a kangrunaan a punto tapno maaramidam ti panggepmo.

  • Ipaganetgetmo ti tema ti palawagmo. Dakamatem ti temam iti intero a palawagmo babaen ti panangulitmo kadagiti kangrunaan a sasao iti tema wenno babaen ti panagusarmo iti umasping a sasao.

  • Pagbalinem a nalawag ken simple dagiti kangrunaan a punto. Piliem dagiti kangrunaan a punto a konektado iti temam ken maisurom a naimbag iti naikeddeng nga oras. Limitaram dagiti kangrunaan a punto, silalawag nga ibagam ti tunggal punto, sumardeng biit sakbay ti sabali a punto, ken siaannayas a mapanka iti sumaruno a kangrunaan a punto.