Mapan iti linaonna

Ania ti Makunam Maipapan iti Biblia?

Ania ti Makunam Maipapan iti Biblia?

Dayta kadi ket . . .

  • libro a naglaon iti sirib ti tao?

  • libro dagiti parparbo nga estoria?

  • Sao ti Dios?

 TI KUNA TI BIBLIA

“Inwanwan ti Dios ti pannakaisurat ti intero a Kasuratan.”​—2 Timoteo 3:16, Baro a Lubong a Patarus.

TI MAIPAAYNA KENKA NO PATIEM DAYTA

Masungbatan dagiti napateg a saludsodmo iti biag.​—Proverbio 2:1-5.

Maaddaanka iti mapagtalkan a giya iti inaldaw a panagbiag.​—Salmo 119:105.

Maaddaanka iti pudpudno a namnama iti masanguanan.​—Roma 15:4.

 MAPAGTALKANTAYO KADI TI KUNA TI BIBLIA?

Wen, gapu iti tallo a rason:

  • Nakaskasdaaw a panagtutunos. Nasurok a 1,600 a tawen a naisurat ti Biblia. Agarup 40 a tattao ti nangisurat iti dayta. Saan nga agaammo ti kaaduan kadakuada. Ngem agtutunos amin a naisurat iti Biblia ken maymaysa ti kangrunaan a temana!

  • Napudno dagiti mannurat. Masansan a saan nga ibaga dagiti historiador ti pannakaabak dagiti kailianda. Ngem sipaprangka nga imbaga dagiti mannurat iti Biblia dagiti basolda ken basol dagiti kailianda.​—2 Cronicas 36:15, 16; Salmo 51:1-4.

  • Matungtungpal a padto. Agarup 200 a tawen nga impakpakauna ti Biblia ti pannakadadael ti nagkauna a siudad ti Babilonia. (Isaias 13:17-22) Saanna laeng nga imbaga no kasano a maparmek ti Babilonia no di ket innagananna pay ti mangparmek!​—Isaias 45:1-3.

    Adu met a padto iti Biblia ti natungpal agingga iti kabassitan a detalye. Ngem saan kadi a dayta ti namnamaentayo iti Sao ti Dios?​—2 Pedro 1:21.

 PANUNOTEM

Kasano a mapasayaat ti Sao ti Dios ti biagmo?

Sungbatan dayta ti Biblia iti ISAIAS 48:17, 18 ken 2 TIMOTEO 3:16, 17.