Mapan iti linaonna

Mapan iti listaan dagiti linaonna

 GEORGIA

Talaga a Kayatko ti Agbalbaliw

Davit Samkharadze

Talaga a Kayatko ti Agbalbaliw
  • NAYANAK 1967

  • NABAUTISARAN 1989

  • ABABA A PAKASARITAANNA Nagserbi kas agdaldaliasat a manangaywan. Sipud idi 2013, mangisursuron kadagiti eskuelaan ti organisasion.

IDI 1985, naayabanak nga agserbi kas soldado ti Soviet. Agtawenak idi iti 18. Nariribukanak unay iti kinaawan hustisia ken kinaulpit dagiti adda iti militar isu nga imbagak iti bagik, ‘Diak kayat ti agbalin a kas kadakuada.’ Inkagumaak a tulongan dagiti mairurrurumen ngem marigatanak no dadduma a mangaramid iti kayatko. Talaga a kayatko ti agbalbaliw.

Kalpasan ti panagsoldadok, nagawidak. Maysa a rabii, kalpasan ti maysa a party, inkararagko iti Dios a tulongannak nga agbalbaliw. Kabigatanna, idi mapanakon iti trabahok, dimmagasak iti antik a maysa a Saksi ni Jehova. Idi simrekak iti balayna, adda sumagmamano a Saksi nga aggigimong. Nainggayyeman nga inabrasadak isu a nagtalinaedak ken nagdengngegak.

Nakipagadalak iti Biblia ket kalpasan ti innem a bulan, nabautisaranak. Tinulongannak ni Jehova nga agbalin a nasaysayaat a tao. Diak maaramidan dayta a bukbukodko.