Mapan iti linaonna

Mapan iti listaan dagiti linaonna

Upper Svaneti

 GEORGIA

Maipapan iti Georgia

Maipapan iti Georgia

Makaparagsak ti agburas iti ubas

Daga Pagaammo ti Georgia gapu kadagiti nagpipintas a kabambantayanna ken bambantay a naabbongan iti niebe, a dadduma ket nasurok nga 4,500 a metro ti kangatona. Adda dua a kangrunaan a paset ti pagilian—ti makindaya ken makinlaud a Georgia, nga addaan kadagiti rehion nga agduduma ti klima, kaugalian, musika, sala, ken taraonna.

Umili Kaaduan iti 3.7 a milion nga agnanaed ket katutubo a Georgian.

Relihion Kaaduan ti agkunkuna a miembro ti Orthodox Christian. Agarup 10% ti Muslim.

Lengguahe Ti lengguahe a Georgian ket naiduma iti lengguahe dagiti kaabayna a pagilian. Ipakita ti historia a naimbento ti alpabeto a Georgian sakbay pay ti Kadawyan a Panawen, wenno Common Era.

 Pagsapulan Agrikultura ti pagsapulan ti kaaduan nga umili. Iti laeng nabiit, dakkel ti rimmang-ayan ti ekonomia ti Georgia gapu iti turismo.

Klima Kalkalainganna ti klima iti makindaya a paset ti pagilian. Nadagaang ken nasalimuot ti klima iti igid ti Black Sea iti makinlaud a Georgia. Adu a citrus a prutas ti agbiag sadiay.

Panagburas iti ubas iti rehion ti Kakheti

 Taraon Tinapay ti pannakainnapuy dagiti Georgian. Malutluto ti tinapay iti pugon a naaramid iti pila. Napalet a gisado a karne wenno nateng a naikkan iti spices ken herbs ti kangrunaan a sidada. Nabayagen nga agar-aramidda sadiay iti arak. Gagangay a maidulin ti arak iti dadakkel a burnay. Adu a pamilia ti agmulmula iti ubas ken agar-aramid iti arak. Agarup 500 a klase ti ubas ti agbiag idiay Georgia.

Panagaramid iti tinapay