Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2016 Tinawen a Libro Dagiti Saksi ni Jehova

 INDONESIA

Nakadanon iti Daya ti Trabaho

Nakadanon iti Daya ti Trabaho

Idi 1953, naapointaran ni Peter Vanderhaegen kas manangaywan iti sirkito iti Indonesia. Intero a pagilian ti saklawen ti sirkitona, nga agarup 5,100 a kilometro manipud iti daya nga agpalaud ken 1,800 a kilometro manipud amianan nga agpaabagatan. Adu dagiti naragsak a kapadasanna iti panagserbina iti dayta a naglawa a lugar.

Ni Peter Vanderhaegen

Idi 1954, napan ni Brother Vanderhaegen iti makindaya a rehion ti Indonesia, a nagduduma ti relihionna. Karaman iti dayta a rehion dagiti isla ti Bali, a Hindu ti kaaduan; Lombok ken Sumbawa, a Muslim ti kaaduan; Flores, a Katoliko ti  kaaduan; ken Sumba, Alor, ken Timor, a Protestante ti kaaduan. Nangaskasaba isuna iti apagbiit kadagiti malabsanna nga isla bayat a mapmapan idiay Kupang, a kabesera ti Timor, a nakalugan iti saan a nalagda a bangka. “Dua a lawas a nangaskasabaak idiay Timor,” kinuna ni Brother Vanderhaegen. “Uray napigsa ti tudo, naipaimak amin a literatura nga awitko, 34 ti nangayat a binulan a mapatulodan kadagiti magasin, ken nakairugiak kadagiti panangyadal iti Biblia.” Intuloy dagiti special pioneer a sarungkaran dagiti interesado ken nangbukelda iti kongregasion idiay Kupang. Manipud sadiay, naisaknap ti naimbag a damag kadagiti asideg nga isla ti Rotè, Alor, Sumba, ken Flores.

Idi nakita dagiti lider dagiti Protestante idiay Kupang a dumdumngeg dagiti miembroda kadagiti Saksi ni Jehova, nakapungtotda gapu iti imon. Ni Thomas Tubulau, a maysa a lakay a latero (agar-aramid ken agtartarimaan iti banag a naaramid iti lata) ken pukol ti maysa nga imana ket binilin ti maysa a lider a nangato ti saadna nga isardengnan ti makipagadal kadagiti Saksi ni Jehova ken saannan nga ibagbaga ti naadalna iti dadduma, ta no saan, adda mapapatay. Situtured nga insungbat ni Thomas: “Saan a maibaga ti maysa a Kristiano ti kasta. Dinakto pulos makitan iti simbaan.” Nagbalin ni Thomas a naregta nga agibumbunannag ken nagbalin nga special pioneer ti anakna a babai.

Nupay kasta, determinado latta dagiti lider ti relihion iti Timor a mangpasardeng kadagiti Saksi ni Jehova. Idi 1961, napilitda met laeng ti Department of Religious Affairs ken dagiti opisial ti militar a mangiparit iti panangasaba iti binalaybalay. Gapuna, binalbaliwan dagiti kakabsat ti pamay-anda. Nangasabada kadagiti pagtagilakuan ken pagsakduan, kadagiti mangngalap a mangisangsang-at kadagiti nakalapanda, ken kadagiti pamilia nga agdaldalus iti sementerio. Kalpasan ti maysa a bulan, imbabawi dagiti opisial ti militar ti pannakaiparit ken inyanunsioda iti radio  nga adda wayawaya ti relihion iti Timor. Idi impilit ti Department of Religious Affairs a maiparit pay laeng ti panangasaba iti binalaybalay, kiniddaw dagiti kakabsat nga agaramid dagiti opisial iti kasuratan maipapan iti dayta ngem saanda a kinayat. Kalpasan dayta, saanen a malapdan dagiti kakabsat a mangasaba iti binalaybalay.

Idi simmangpet dagiti misionero a da Piet ken Nell de Jager ken Hans ken Susie van Vuure idiay Papua idi 1962, binusor met ida dagiti lider ti Kakristianuan. Kinompronta ti tallo a nangato a ministro dagiti misionero ket impilitda a mangasaba dagiti misionero iti sabali a lugar. Iti diario, radio, ken kadagiti sermonda, imbaga dagiti lider ti Kakristianuan a mangpatpataud kano iti gulo dagiti Saksi ni Jehova kontra iti gobierno. Kinombinsir, binutbuteng, ken pinasuksokanda met dagiti miembroda a makipagad-adalen kadagiti misionero. Pinilitda pay dagiti panguluen ti purok a mangbusor iti trabaho a panangasaba.

Ngem baliktad ti napasamak. Naminsan, maysa a panguluen ti nangawis kadagiti misionero iti purokna. “Kalpasan nga inurnong ti panguluen dagiti lumugar, nagpalawagkami ken Piet iti apagbiit maipapan iti trabahotayo,” insalaysay ni Hans. “Kalpasanna, indemostra dagiti assawami ti panagtuktoktayo kadagiti ruanganda, panangawattayo iti awisda a sumrek iti balayda, ken ti panangibagatayo iti ababa a mensahe manipud iti Biblia. Nagustuanda ti presentasionmi ken pinalubosandakami a mangasaba.”

Dagitoy nga ibubusor ken dagiti dadduma pay ket adda nagpapadaanda. Manmano a binusor dagiti Muslim ti trabaho a panangasaba; kanayon a dagiti lider ti Kakristianuan ti bumusbusor. Mapaspasamak dayta agingga ita.

“Maisaklangkayto iti Sanguanan Dagiti Gobernador . . . Maipaay a Pangsaksi”

Kinuna ni Jesus kadagiti adalanna: “Maisaklangkayto iti sanguanan dagiti gobernador ken ar-ari maigapu kaniak,  maipaay a pangsaksi kadakuada ken kadagiti nasion.” (Mat. 10:18) Maulit-ulit a napasamak dagitoy a sasao idiay Indonesia.

Idi 1960, maysa a prominente a teologo a Dutch idiay Jakarta ti nagsurat iti libro a mangak-akusar kadagiti Saksi ni Jehova nga ulbod a Kristiano. Daytoy a libro ti nangtignay kadagiti lider ti relihion a mangakusar kadagiti Saksi. Kas pagarigan, maysa a lider iti maysa nga ili ti nagsurat iti Department of Religious Affairs nga ak-akusaranna dagiti Saksi a “mangtiktikaw kadagiti miembro ti simbaanda.” Idi pinaayaban dagiti opisial dagiti Saksi ni Jehova tapno sungbatanda dagiti akusasion, imbagada no ania ti agpayso ken nakaipaayda iti nasayaat a panangsaksi. Imbalakad ti maysa nga opisial kadagiti padana nga opisial: “Saanyo a pakibibiangan  dagiti Saksi ni Jehova ta ririingenda dagiti makaturturog a Protestante.”

Maibabbaba a kinarton a libro a Paradise, 1963

Idi 1964, nagapelar iti Parliamentary Committee on Religious and Social Affairs ti maysa a grupo dagiti lider dagiti Protestante idiay Papua tapno maparitan dagiti Saksi ni Jehova a mangasaba. Gapuna, kiniddaw ti sanga nga opisina iti komite nga agdepensada. “Agmaysa oras a nakisaritakami iti komite ket inlawlawagmi a naimbag ti maipapan iti trabahotayo a panangisuro iti Biblia,” kinuna ni Tagor Hutasoit. “Pinabasolnakami ti maysa a bumusbusor a politiko—a Protestante—a padpadasenmi kano a riribuken ti relihion iti Papua. Ngem mannakaawat dagiti Muslim a miembro ti komite. Imbagada kadakami: ‘Garantisaran ti Konstitusion ti wayawaya ti relihion, isu nga adda kalinteganyo a mangasaba.’” Kalpasan dayta, indeklara ti maysa a nangato nga opisial ti gobierno idiay Papua: “Ti baro a gobierno . . . itultuloyna nga ipatungpal ti wayawaya ti relihion, ken agaplikar met daytoy kadagiti kabbaro a relihion.”