Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2016 Tinawen a Libro Dagiti Saksi ni Jehova

 INDONESIA

Nakristianuan nga Ayat iti Panawen ti Kalamidad

Nakristianuan nga Ayat iti Panawen ti Kalamidad

DAGITI ginggined, tsunami, ken panagbettak ti bulkan ti gagangay a mangparparigat iti biag idiay Indonesia. No adda mapasamak a kasta a kalamidad, tumulong a dagus dagiti Saksi ni Jehova kadagiti naapektaran, aglalo kadagiti kakabsatda. Kas pagarigan, idi 2005, dinadael ti napigsa a ginggined ti Gunungsitoli, ti kadakkelan nga ili ti Nias Island idiay North Sumatra. Dagus a nangipatulod ti sanga nga opisina ken dagiti kongregasion nga adda iti asideg iti isla ti Sumatra kadagiti relief goods iti lugar a naapektaran. Nageroplano a napan iti isla ti manangaywan iti sirkito ken ti maysa a pannakabagi ti sangay tapno paregtaenda dagiti kakabsat. Kinuna ni Yuniman Harefa, maysa a panglakayen idiay Nias: “Pirmi ti buteng dagiti tattao ket saanda nga ammo ti aramidenda. Ngem nariknami a saankami a nabaybay-an gapu ta nagaksion a dagus ti organisasion ti Dios.”