Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2016 Tinawen a Libro Dagiti Saksi ni Jehova

 INDONESIA

Maipapan iti Indonesia

Maipapan iti Indonesia

Daga Ti Indonesia ti kadakkelan nga arkipelago iti intero a lubong. Masarakan iti equator iti nagbaetan ti Australia ken ti dakkel a paset ti Asia. Kaaduan kadagiti nasurok a 17,500 nga islana ket addaan kadagiti bato a bambantay ken napuskol a kabakiran. Daytoy met ti kaaduan iti aktibo a bulkan iti lubong ta addaan iti nasurok a 100 nga aktibo a bulkan.

Umili Ti Indonesia ti maikapat a kadakkelan ti populasionna a pagilian (sumaruno iti China, India, ken Estados Unidos) ken addaan iti nasurok a 300 nga etniko a grupo. Dagiti etniko a grupo a Javanese ken Sundanese ti mangbukel iti nasurok a kagudua ti populasion.

 Relihion Agarup 90% kadagiti Indonesian ket Muslim. Ti dadduma ket Hindu, Buddhist, wenno agkunkuna a Kristiano. Adu ti mangsursurot kadagiti narelihiosuan a tradision dagiti katutubo.

Lengguahe Nasurok a 700 a lengguahe ti maus-usar iti intero nga arkipelago. Indonesian ti kangrunaan a lengguahe. Nagtaud dayta iti lengguahe a Malay. Us-usaren met ti kaaduan a tattao ti lengguahe iti lugarda no addada sadiay.

Pagsapulan Adu ti agtaltalon ken negosiante. Nabaknang ti pagilian iti mineral, troso, langis, ken natural a gas ken maysa kadagiti kangrunaan a suplayer ti goma ken lana ti palma.

Taraon Inapoy ti kangrunaan a taraon. Dagiti popular a taraon ket nasi goréng (kinirog nga inapoy, prito nga itlog, ken nateng), satay (barbecue), ken gado-gado (salad nga adda peanut sauce-na).

Klima Napudot ken nasalimuot. Mangpatpataud ti amian (north wind) ken abagat (south wind) iti dua a panawen—matutudo ken kalgaw (summer). Kanayon nga agbagyo.