Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

2016 Tinawen a Libro Dagiti Saksi ni Jehova

 INDONESIA

Limapulo a Tawen nga Special Pioneer

Alisten Lumare

Limapulo a Tawen nga Special Pioneer
  • NAYANAK 1927

  • NABAUTISARAN 1962

  • ABABA A PAKASARITAANNA Dati a police inspector a nagserbi kas special pioneer iti nasurok a 50 a tawen.

IDI 1964, naibaonak kas special pioneer iti Manokwari, West Papua, iti maysa a bassit a kongregasion a busbusoren unay dagiti lider ti relihion. Nabiitak pay a simmangpet idi makapungtot nga immay iti balayko ti maysa a Protestante a ministro.

“Rebbaek daytoy a balay ken pukawek dagiti Saksi ni Jehova iti Manokwari,” imbugkawna.

Gapu iti pannakasanayko idi kas polis, saanak a napabutngan. Nupay kasta, kalmado a sinungbatak, ket pimmanaw met laeng a sitatalna.—1 Ped. 3:15.

Walo laeng idi ti agibumbunannag iti Manokwari. Ngem kalpasan ti agarup 50 a tawen, adda itan pito a kongregasion. Nasurok a 1,200 ti immatender iti kombension idi 2014. No makitkitak ti naaramidan ni Apo Jehova iti daytoy a nasulinek a lugar, agliplipias ti ragsakko.