Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2016 Tinawen a Libro Dagiti Saksi ni Jehova

 DAGITI TAMPOK ITI NAPALABAS A TAWEN

Pannakaidedikar Dagiti Sangay

Pannakaidedikar Dagiti Sangay

“AGLIPLIPPIAS ti pusok iti ragsak,” kinuna ti maysa a sister nga immatender iti pannakaidedikar ti sangay ti Madagascar idi Sabado, Enero 24, 2015. Naragsakan isuna ken ti 583 a dadduma pay a bisita idi nakitada ti baro a residence building a 19 ti kuartona, ti napadakkel a dining room, ken ti na-renovate a kitchen. Napalawa dagiti opisina ti Service Department, Accounting Department, ken Local Design/Construction Department. Adda met dagiti naaramid a baro nga studio para iti Audio/Video Department ken Sign Language Department, ken nabukel ti Braille Transcription Department. Kalpasan a naisalaysay ti pakasaritaan ti trabaho a panangasaba idiay Madagascar, naragsakan dagiti bisita a dimngeg iti palawag ti dedikasion nga impaay ni Mark Sanderson, a miembro ti Bagi a Manarawidwid.

Ti baro a residence building a 19 ti kuartona iti sangay ti Madagascar

 Nabang-aran ti ili ni Jehova idiay Jakarta, Indonesia, idi nages-es ti layus iti siudad sakbay ti pannakaidedikar dagiti baro a pasilidad ti sangay idi Pebrero 14, 2015. Ti dadduma nga opisina ti sangay ket adda itan iti maika-31 a kadsaaran ti maysa a patakder nga 42 ti kadsaaranna. Aggigian met dagiti Bethelite iti 12 a kadsaaran ti maysa a patakder iti asidegna. Masarakan met ti dadduma a departamento kadagiti nababbaba a patakder iti asidegna. Ni Anthony Morris, a miembro ti Bagi a Manarawidwid, ti nagpalawag iti dedikasion. Iti simmaruno nga aldaw, adda 15,257 a napan iti maysa a soccer stadium tapno agdengngeg iti palawagna a natemaan iti “Itultuloyyo ti Agibtur Para iti Aramid a Naimbag.” Nai-hook-up ti programa iti 41 a dadduma pay a lokasion nga inatenderan ti 11,189 a kakabsat. Dayta pay laeng ti kadakkelan a panagtataripnong ti ili ni Jehova idiay Indonesia! Kinuna ti maysa kadagiti kaunaan a misionero idiay Indonesia a ni Ronald Jacka: “Idi simmangpetak idi 1951, adda laeng 26 nga agibumbunannag iti intero a pagilian. Ngem ita, nasurok a 26,000 ti immatender iti daytoy nga espesial a programa. Talaga a binendisionan ni Apo Jehova ti ilina ditoy Indonesia!”