Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2015 Tinawen a Libro Dagiti Saksi ni Jehova

 DOMINICAN REPUBLIC

Maipapan iti Dominican Republic

Maipapan iti Dominican Republic

Daga Sakup ti Dominican Republic ti agarup 66 a porsiento ti isla ti Hispaniola; ti nabatbati ket sakup ti Haiti. Masarakan iti daytoy a pagilian dagiti napuskol a kabakiran, nangangato a bambantay, desierto, ken kaykayo nga agtubo iti danum. Ti Pico Duarte ti kangatuan a bantay iti Dominican Republic, a 3,175 a metro ti kangatona manipud iti patar ti baybay. Kaaduan nga igid ti baybay ket addaan kadagiti napipintas a puraw a kadaratan, ken adda dagiti nataba a patad a daga iti baet dagiti bambantay a kas iti nadam-eg a Cibao Valley.

Umili Kaaduan kadagiti umili ket mestiso a nagtaud iti Europa ken Africa. Adda met sumagmamano a babassit a grupo dagiti tattao; ti kadakkelan kadagita ket dagiti Haitian.

Lengguahe Espaniol ti opisial a lengguahe.

Kakabsat a nararagsak nga aglalangen

 Pagsapulan Ti panagminas ken dagiti industria ti asukar, kape, ken tabako ti nabayagen a kangrunaan a pamastrekan ti pagilian. Iti nabiit pay, rimmang-ay ti ekonomia gapu iti turismo ken panagpataud iti nadumaduma a produkto.

Klima Kalkalainganna ken tropikal ti klima iti isla. Ti gagangay a tinawen a temperatura ket 25 0C. Ti gagangay a tinawen a kaadu ti tudo iti kabambantayan iti makin-amianan a daya ket nasurok a 2,032 a milimetro ken agarup 760 a milimetro kadagiti natikag a rehion. No dadduma, dalapusen dagiti napipigsa a bagyo ti isla.

Kultura Inapoy, bukbukel, ken natnateng dagiti kangrunaan a taraon. Magustuan met dagiti taga-Dominican Republic dagiti taraon manipud baybay, prutas iti tropiko, sili, ken naprito a naata a saba. Dadduma kadagitoy a taraon ket nailaok iti nakalatlatak a putahe a La Bandera Dominicana (ti bandera ti Dominican Republic). Pagaayat dagiti umili ti baseball, musika, ken panagsala nangruna iti merengue. Nakalatlatak ti gitara, a kas kadagiti tambor, plauta, ken marimba.