Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2015 Tinawen a Libro Dagiti Saksi ni Jehova

 DOMINICAN REPUBLIC

Kayatko idin nga isardeng ti agserbi iti Dios

Martín Paredes

Kayatko idin nga isardeng ti agserbi iti Dios
  • NAYANAK 1976

  • NABAUTISARAN 1991

  • ABABA A PAKASARITAANNA Agad-adal iti kinapadi idi naammuanna ti kinapudno. Sipud idin, adu ti natulonganna nga agbalin a pudno nga agdaydayaw.

DIMMAKKELAK iti pamilia a napeklan a Katoliko ket kayatda nga agbalinak a padi. Idi agtawenak iti 12, nangalaak iti tallo a subject a papadi ti mangisursuro. Idi 1990, naimbitaranak nga agadal iti maysa kadagiti kasayaatan a seminario iti pagilian. Agtawenak idi iti 14.

Alisto ti panagrang-ayko ket ibagbagada a no itultuloyko, nalabit agbalinakto nga obispo. Ngem nadismayaak. Imbes nga adalenmi ti Biblia, pilosopia ti tao ti ad-adalenmi. Maysa pay, naigamer iti immoralidad dagiti papadi. Idi siakon ti agbalin a puntiria ti seksual a panangabusoda, kayatko idin nga isardeng ti agserbi iti Dios.

Iti dayta a tiempo, adda agassawa a misionero a nakasarita ti accountant ti seminario ket inikkanda iti libro a Dagiti Saludsod nga Iyimtuod ti Agtutubo—Dagiti Sungbat nga Epektibo.  Binulodko ken binasak ti intero a libro. Kinunak iti bagik, ‘Daytoy ti sapsapulek.’ Pinanawak ti seminario ket nakipagadalak kadagiti Saksi ken rinugiak ti makigimong. Walo a bulan kalpasanna, nabautisaranak idi Hulio 1991. Nag-regular pioneer-ak ket idi agangay, nagkasarkami ken María a maysa met a payunir. Nagserbikami kas special pioneer manipud 2006. Imbes nga agsardengak nga agserbi iti Dios, kaykayatkon ti tumulong kadagiti tattao a mabisin iti kinapudno tapno agbalinda a pudno nga agdaydayaw kenkuana.